Yamamoto Kansuke

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Yamamoto Kansuke

Yamamoto Kensuke (1501-1561) yaiku samurai ana ing jaman Sengoku/perang sipil Jepang kang ngabdi marang daimyo Takeda Shingen saka Provinsi Kai.[1][2] Dheweke yaiku salah siji saka 24 jendral Takeda kang ahli strategi brilian. Jeneng asline yaiku Haruyuki, Kansuke yaiku jeneng kehormatan kang dianugerahake Shingen.[1] Yamamoto asale saka Provinsi Mikawa lan wiwitane ngabdi marang klan Imagawa kang dheweke ora duwe potensi merga sikile kang pincang lan matane kang mung sisih tok.[1] Nganti tekan ana ing sawijining wektu, dheweke ketemu karo jenderal Takeda, Itagaki Nobutaka, kang menehi dheweke kesempatan audisi Takeda Shingen.[2] Shingen kepincut karo dheweke lan banjur menehi kanugrahan daerah koku kang cacahe 1.000 .[2] Shingen uga sering njaluk nasihat saka dheweke. Ana ing peperangan Shingen yaiku nalika ngrebutake wilayah Shinano, Yamamoto menehi kontribusi kang gedhe.[1] Ana ing cathetan sejarah, Yamamoto kuwi kang ndesain menara penyerang kanggo ngrubuhake benteng-benteng Shinano.[1] Merga saka jasa-jasane kuwi, Shingen banjur menehi kanugrahan jeneng kehormatan, Kensuke, lan pendapatane banjur mundhak dadi 4.000 koku.[1] Yamamoto uga duwe peran ana ing penaklukkan klan Murakami ing Toishi (1551).[1] Perane kang paling gedhe yaiku ana ing Pertempuran Kawanakajima nglawan klan Uesugi kang luwih saka kaping lima.[1] Taun 1561, Shingen lan Uesugi Kenshin tempur kanggo kaping papate.[1] Nalika kuwi, Uesugi mapan ana ing puncak Gunung Saijo, dene Shingen mapan ana ing Kastil Kaizu sisih wetan.[1] Yamamoto menehi saran marang Shingen kanggo mbagi pasukane kang cacahe 20.000 dadi rong bagian .[1] Setengah saka pasukane kanggo nglakoni serangan fajar tumuju Gunung Saijo, lan kang setengahe meneh tumuju marang Hachimanbara kanggo mblokir jalur mundur Uesugi.[1] Siasat iki ditampa dening Shingen, lan dheweke ngirim Kosaka Masanobu lan Baba Nobuharu menyang Gunung Saijo lan dheweke mandhegani pasukan kanggo nyabrang Kali Chikuma.[1]


Cathetan Suku[sunting | sunting sumber]

  1. ^ a b c d e f g h i j k l m (id)[1]
  2. ^ a b c (id)gingasite.net
Sumber artikel punika saking kaca situs web: "http://jv.wikipedia.org/w/index.php?title=Yamamoto_Kansuke&oldid=883831"