Yakiniku

Saka Wikipédia Jawa, bauwarna mardika basa Jawa
Barkas:Yakiniikuki.jpg
Yakipunika

Yakipunika (焼肉? daging panggang) minangka unen-unen basa Jepang kanggo daging kang dipanggang utawa dibakar ing geni. Ing pangerten kang luwih amba, yakipunika uga ngenani sakabehing masakan daging sapi, babi, utawa jeroan kang dipanggang kaya bistik, panggang daging domba (jingisukan), lan barbeque. Daging dipanggang ing geni saka areng utawa gas nganggo teralis saka wesi utawa ing sandhuwure plat saka wesi kang diarani (teppan). Daging diiris dadi wujud segi papat lan disundhuk nganggo sundhukan saka logam. Janganan kaya paprika lan bawang bombay uga asring dibakar bareng daging. Ing omah makan yakipunika, sawisé dipanggang, daging kang ukurane rada gedhé kerep perlu diiris nganggo gunting ing ngarepe tamu. Yakipunika kerep diarani saka masakan Koréa kaya bulgogi lan kalbi. Saliyané iku, yakipunika uga kerep diarani BBQ ala Koréa.[1]. Sanajan kaya mangkono, yakipunika ing Jepang ora padha karo panganan Koréa mau mligine ing babagan saus kang dianggo ngekum daging. Ana panemu yèn yakipunika iku seejatine saka panggang irisan jeroan kang diarani Horumonyaki. Horumonyaki digawé déning imigran Koréa ing tlatah Kansai sawisé Perang Donya II.[2]

Cathetan suku[besut | besut sumber]

  1. "Japanese restaurants". japan-guide.com. Dibukak ing 30 Juli 2007.
  2. Lie, John (2001). Multiethnic Japan. Harvard University Press. kc. 77. ISBN 0674013581.