Yagan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Potret Yagan karya George Cruikshank

Yagan (pocapan jroning Basa Inggris /ˈjeɪɡən/) (sekitar 1795 – 11 Juli 1833) yaiku sawijining pejuang Aborigin Australia saka suku Noongar kang mainake peranan penting ana ing mangsa perlawanan penduduk pribumi Australia marang pemukiman lan pendudukan Britania Raya ing Perth, Australia Kulon.[1] Sakwise Yagan dadi pemimpin ana ing saperangan perampokan ing kawasan pedesaan, pihak pemerintah nawakake hadiah dhuwit kanggo kang bisa nyekel Yagan, urip utawa mati.[1] Sawijining warga pendatang sukses nembak lan mateni yagan.[1] Ana ing cerita rakyat Australia kulon, eksekusi Yagan nglambangaké perlakuan para pendatang kolonial marang wong pribumi kang ora adil lan kadang-kadang uga bisa dijenengi kejem.[1] Misuwur ana ing Australia, Yagan dadi salah siji pahlawan kanggo wong-wong suku Noongar.[1] Sirahé Yagan dipenggal kanggo diijolaké karo hadiah dhuwit kang ditawakake dening pamaréntah.[1] Salah siji pejabat pemerintah banjur ngawa Sirahé yagan menyang London, Inggris lan Sirah mau banjur dipamêraké dadi salah siji "objek antropologi kang narik kawigatên".[1] Sirahé yagan banjur disimpen suwé sakdurunge dikuburaké ana ing Kutha Liverpool nalika taun 1964.[2] Suku Noongar njaluk marang pamrentah ingris kanggo mbalekake Sirahe Yagan marang kulawarga Suku Noongar, merga agama lan status Yagan kang penting ana ing kbudayaan Noongar.[1] Taun 1993 kuburane Yagan bisa ditemokake lan patang taun sakbanjure Sirahe Yagan banjur dijupuk lan dibalekake menyang Australia.[1] Wiwit saka kuwi banjur warga Perth debat mengenani cara paling apik kanggo kepala Yagan kanthi hormat, lan ing sasi Juli 2010 Banjur Sirahe Yagan dikubur ana ing sawijining upacara tradisional ing Australia Kulon, yaiku 177 taun sakwise Yagan mati.[1]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Yagan&oldid=831197"