Wong Acèh

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Wong Aceh
Populasi total
kurang luwih 3,5 yuta.
Pedunung wigati ing
Nanggroe Aceh Darussalam: 3,5 juta.
Basa

basa Acèh.

Agama

Islam

Suku bangsa cedhak dhéwé

Wong Campa lan Wong Gayo.

Wong Acèh iku jeneng suku sing manggon ing pucuk lor pulo Sumatra. Agamané Islam lan basa sing dipigunakaké yakuwi basa Aceh sing isih kerabat karo basa Campa.

Riwayat jeneng Aceh[sunting | sunting sumber]

Ngenani jeneng aceh, ana dongèng sing dikawruhi umum kaya mangkéné:

Sawijining dina ana puti Hindustan ilang digolèki déning seduluré nganti tekan pulo Sumatra. Satekané ing Aceh saduluré banjur ketemu puteri mau. Marang para pedunung dijlèntrèhaké menawa putri kasebut kuwi “aci”-né utawa adiné.

Amarga putri iku kinurmatan, para pedunung percaya yèn panjenengané katurunan bangsawan uga. Saka mupakat para pedunung, putri iki banjur diangkat dadi ratu (raja). Kanggo mènèhi jeneng negeri sing anyar iku banjur disebut waé “Aci”, dijupuk saka tembung sing wiwitan kaprungu diucapaké déning seduluré. Sabanjuré sebutan “Aci” iku owah dadi “Aceh”.

Crita liya, miturut Valentijn (1688), Aceh asalé saka tembung “Acai”, uga istilah Hindustani, sing tegesé éndah. Miturut dongèng iku istilah iki asring dipocapaké déning wong-wong India sing teka saka Hindustani nalika tekan Aceh, sawisé ndeleng kaéndahan talatah iki saka kapal. Amarga kasengsem wong-wong India mau banjur nyebut “Acai”, “Acai”. Merga saka kuwi negeri iki banjur diarani Acai, tanah Acai lan wusanané owah dadi tanah Aceh, tegesé tanah éndah.

Tokoh-tokoh saka suku Aceh[sunting | sunting sumber]

Referensi[sunting | sunting sumber]


Delengen uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Wong_Acèh&oldid=820916"