Wikipedia:Niat apik

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Pedoman

Gnome-edit-redo.svg WP:NIAT
Niat apik
Kaca iki minangka paugeran ing Wikipedia basa Jawa. Isiné wis ditampa déning para panganggo lan dianggep minangka standar sing kudu dianut déning kabèh panganggo. Sadurungé nyunting kaca iki, pesthèkaké suntingan panjenengan nggambaraké konsènsus. Pigunakna kaca dhiskusi kanggo ngusulaké owah-owahan.

Nutshell.png

Ringkesan isi: Anggepen yèn wong-wong sing kontribusi ing kéné nyoba kanggo mbiyantu proyèk lan ora gawé rugi.

Praduga niat apik iku prinsip fundamental ing Wikipedia. Kanthi ngidinaké saben wong kanggo nyunting kita kudu nganggep yèn akèh-akèhé wong sing kontribusi ing proyek iki nduwèni niat apik kanggo nbiyantu ngembangaké, ora ngrusak. Yèn prinsip iki ora lumaku, proyek kaya Wikipedia mesthi wis mati wiwit pisanané.

Nalika panjenengan nemokaké sawijining kasalahan sawijining panganggo, lan kasalahan iku bisa dianggep ora sengaja lan panyuntingané duwé tujuan apik, ayahi korèksi tanpa ngritik. Nalika panjenengan ora setuju karo sawenèh wong, èlinga yèn wong iku manawa percaya yèn apa sing diayahi iku apik kanggo proyek iki. Coba gunakna kaca-kaca dhiskusi kanggo njelasaké panemu panjenengan dhéwé, lan wènèhi kasempatan wong liya uga supaya njelasaké panemuné. Bab iki bisa ngéndhani kasalahpahaman lan nyegah supaya ora mrèmbèt.

Sing sabar ngadhepi panganggo anyar. Panganggo anyar manawa durung weruh kabiasaan unik Wikipedia lan cara nyunting ing Wikipedia. Manawa wong-wong iku bakal kerep ngalami kasalahan utawa malah ora ngurmati norma-norma komunitas. Sawijining panganggo anyar kerep ngrasa yèn sawijining kawicaksanan kudu diowahi kanggo nyesuaikan karo pengalamané ing panggonan liya. Perilaku panganggo anyar manawa bisa owah seiring wektu. Sing sabar lan wènèhi weruh yèn ana kasalahan.

Anggepen niat apik iku niaté, ora tindak-tanduké. Sing nduwèni niat apik manawa gawé kasalahan-kasalahan, lan panjenengan kudu ngrapèkna yèn ana kesalahan mau. Aja nduwèni anggepan yèn para panganggo anyar mau gawé kasalahan sacara sengaja. Dandani tanpa ngomel. Bakal ana wong-wong ing Wikipedia sing manawa panjenengan ora sarujuk. Senadyan salah, ora ateges wong-wong kuwi arep ngrusak proyèk iki. Bakal ana wong-wong sing angèl nyambut gawé bebarengan karo panjenengan. Uga ora ateges wong-wong iku arep ngrusak proyèk iki. Kita ora perlu ngubungaké tindak-tanduk sawenèh panyunting minangka niat èlèk, malah yèn niat èl iku katon cetha, amarga kita bisa nyegah kanthi gampang (upamané, pembalikan, pemblokiran).

Paugeran iki ora ndadèkaké para panganggo kanggo kudu nganggep niat apik yèn ana bukti sing nyatakaké suwaliké. Tindak-tanduk sing ora sarujuk karo niat apik antara liya yakuwi vandalisme, panganggo siluman, lan apus-apusan. Nganggep niat apik uga ora ateges yèn kita ora olèh ngritik. Kritik tansah bisa dilakoni tanpa nyerang pribadi. Jroning sawijining konflik, ndakwa yèn pihak liya ora nganggep niat apik (tanpa ana bukti sing layak), malah nuduhaké wangun sing ora nganggep niat apik.