Widyawati
| Widyawati | |
|---|---|
 | |
| Lair | Widyawati |
| Pakaryan | aktris |
| Taun aktif | 1967-saiki |
| Bojo | Sophan Sophiaan |
| Anak | Roma Romi |
| Wong tuwa | Adisura bin Soeradibrata |
Widyawati (lair 12 Juli 1950; umur 73 taun) artis Indonesia kang suksès awit dasawarsa 1970-an lan 1980-an, Jenengé wiwit kondhang nalika mbintangi Yuli ing filem Pengantin Remaja (1971) karo Romi kang diparagakaké déning Sophan Sophiaan, dikenal dadi juru main filem kang kondhang ing taun era 1970-an lan 1980-an.[1] Donya filem ora namung nggawé dhèwèké kondhang, nanging uga nemu pepujaning atiné, aktor lan sutradara Sophan Sophiaan, kang akiré nikah ing tanggal 9 Juli taun 1972, ing Masjid Al-Azhar.[1]
Sophan Sophiaan lan Widyawati kondhang ning masarakat liwat perané dadi Romi lan Yuli ing filem PENGANTIN REMAJA (1971).[1] Widyawati kang main filem wiwit umur welasan taun iki, nganti saiki wis mbintangi punjul 40 judhul filem, iku mau durung kalebu sinétron, kaya ABAD 21.[1] Film ARINI (1987) ndadèkaké Widyawati dadi Aktris paling apik ning ajang FFI 1987.[1] Ing taun 2008, pasangan Sophan Sophiaan-Widyawati main filem bareng ing LOVE, sawijining filem kang ngangkat tema cinta saka warna-warna ing karakter karo beragam latar belakang.[1]
Saliyané main filem, Widyawati uga tau ngrilis album pirang-pirang, kaya POTRET KEKASIH lan KUNANG-KUNANG.[1]
Kebahagiaan pasangan 'sepanjang masa' iki mandhek kerana Sophan Sophian kang dicinta ninggal donya amarga kacilakaan nalika nitih motor ing tanggal 17 Mèi 2008.[1] Wektu iku dhèwèké bareng rombongan "Touring Merah Putih" nglakoni perjalanan kanggo memperingati 100 taun Kebangkitan Nasional.[1]
Taun 2011, sawisé liburan suwé saka dunya akting, aktris Widyawati saiki mbalik ing donya akting kang ngangkat namane.[2] Widyawati ngungkapaké yèn dhèwèké duwé akèh pertimbangan kang dadi alasan dhèwèké péngin memerani ing sijining filem kang sadurungé wis diputer.[2] Kanggoné ana telu prakara kang kudu diperhatikaké kanggo dadi bintang filem kang berkualitas.[2] Bojone almarhum Sophan Sophiaan iki nambahké yèn kang dikarepké ya iku lamun setitik scene tanapi duwé aji luwih, lan ing filem iki Widyawati ngrasakaké hal kang béda lan akèh tantangan.[2] Meski filem iki tau difilemke ing taun 70an tanapi Widyawati ora terpaku karo apa kang wis ana, dhèwèké péngin weruh versi awal mung kanggo pembanding.[2]