Watu Igneus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Conto Watu Igneus

Watu Igneus utawa watu beku (saka Basa Latin: ignis, "geni") yaiku jinis watu kang kabentuk saka magma kang wis adhem lan malih dadi watu, nganggo utawa tanpa prosès kristalisasi, yèn ing ngisor permukaan dadi watu intrusif (plutonik) lan ing dhuwur permukaan dadi watu ekstrusif vulkanik.[1] Magma iki bisa saka watu setengah cuwèr utawa watu kang ana ing mantel utawa kerak bumi.[1] Umumé, prosès lèlèh bisa saka prosès-prosès kayadéné: mundhaké temperatur, mudhunè tekanan utawa komposisinè malih.[1] Luwih saka 700 tipe watu Igneus wis bisa dideskripsikan, sebagèyan gedhé saka ngisor kerak bumi.[1]

Miturut parah ahli, kayata Turner lan Verhoogen (1960), F. F Groun (1947), Takeda (1970), magma diartiaké yaiku cairan silikat kental kang panas sacara alamiah, temperaturé dhuwur nganti antarané 1.500–2.5000C lan duwé sifat mobile (bisa obah/ngalèh) lan ana ing kerak bumi bagéyan ngisor.[2] Ing sajroné magma kuwi isiné bahan kang larut, kang duwèni sifat volatile (banyu, CO2, chlorine, fluorine, iron, sulphur, lan liya-liyané) kang bisa gawé mobilitas magma lan non-volatile (non-gas) kang bisa gawé mineral kang bisa ditemoni ing watu Igneus.[2]

Cathetan suku[sunting | sunting sumber]

  1. ^ a b c d (id)Igneus(13 Agustus 2011)
  2. ^ a b (id)Ciri-ciri Igneus(13 Agustus 2011)
Sumber artikel punika saking kaca situs web: "http://jv.wikipedia.org/w/index.php?title=Watu_Igneus&oldid=831940"