Watu Akik Kecubung Kasihan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Batu kecubung
240px|alt=
Umum
Kategori Varietas mineral
Rumus kimia Silika (silikon dioksida, SiO2)
Identifikasi
Warna lembayung
Perawakan prisma segienam dalam piramida segienam (khas)
Sistem kristal rhombohedral kelas 32
Bentuk kembaran hukum Dauphine, hukum Brasil, dan hukum Jepang
Belahan Tidak ada
Pecahan Konkoid
Skala kekerasan Mohs 7–lebih rendah dalam varian tak murni
Kilap Seperti kaca/mengkilap
Gores Putih
Diafaneitas Transparan hingga translusen
Berat jenis 2,65 konstan; bervariasi pada varian tak murni
Sifat optik Uniaksial (+) (Positif)
Indeks pembiasan nω = 1,543–1,553 nε = 1,552–1,554
Bias ganda +0,009 (interval B-G)
Pleokroisme Tidak ada
Titik lebur 1650±75 °C
Kelarutan tidak larut H2O
Sifat lain Piezoelektrik
Kecubung Kasihan Ungu

Akik Kecubung Kasihan menika salah satunggaling akik ingkang wonten ing donya. [1] Akik Kecubung Kasihan menika gadhah urutan kualitas nomer enem ing donya. [1] Akik werna wungu ing donya internasional saged diarani séla Ametis (basa Inggris: Amethyst). [2] Jeneng ametis saking tembung basa Yunani Amethtistos, kang anggadhahi teges "penjaga mabuk arak". [2] Jeneng Ametis dipundhut saking crita kang dipun serat déning Aristotèles, dicritaakén wonten widadari ayu kang digandrungi Déwa Bacchus, déwa kang njaga para pemabuk anggur. [2] Amerga praupan kang ala, dèwi mau kipa-kipa lan nyingkrih banjur ditulung déning Dèwi Diana, yaiku dèwi pengayom kaum wanita lan kesucian. [2] Déning Dèwi Diana, widadari mau dicipta dados reca watu kang endah nalika arep dirangsang dening Déwa Bacchus. [2] Merga kagol déwa Bacchus nyembur reca kasebut, amerga sawijining déwa pemabuk, kang medhal saking semburan werna wungu kados anggur, saéngga reca kala wau dados werna wungu lan diparingi jenengi amethyst. [2] Watu minaka wujudipun lonjong ing sangandhapé wonten garis-garisipun, ukuran panjangipun 20 mm ambanipun 10,2 mm. [3] Watu menika ing jaman biyèn kathah digandrungi para kyai manca. [3] Kathah negara kang gadhah tambang kecubung kasihan niki, kayata India, Sri Lanka, Brasil, Amerika Lor, Birma, Australia, Vietnam, Filipina, Pegunungan Alpina ing Eropa lan uga tinemu ing Indonesia. [2] Ing Indonesia kecubung kasihan kathah tinemu ing Kalimantan utamane ing Kalimantan Tengan. [2] Kecubung kasihan gampang padhosané, nanging sok ngaten uga wonten kang palsu. [2] Kecubung kasihan palsu asalé kathah kang saking Tiongkok. [2] Séla wungu saking tiongkok menika aslinipun watu kalsédon sanès ametis. [2] Uga wonten kang diarani ametis orièntal. [2] Kang sejatiné watu niki purple saphire utawa safir wungu. [2]

Werna akik[sunting | sunting sumber]

Sela/watu Sitrin
Kecubung Wulung

Akik Kecubung Kasihan menika mboten namung gadhah werna wungu, nanging uga wonten kang wernanipun wungu enom, wungu semu abang, semu biru, wungu tuwa lan, malah wonten kang wernanipun nyedhaki langking (ireng). [2] Séla/watu niki yèn dipanaské ing pasir utawa lempung bakal owah wernanipun dados kuning emas. [2] Séla/watu kang sampun dados kuning emas kala wau yèn digosok bakal owah dados sèla sitrin kanthi jeneng kinyang cempaka. [4] Kamangka watu sitrin tulèn menika asalé saking watu kwarsa kang gadhah werna kuning emas, tiyang-tiyang sok nyampur bawur antawisipun watu sitrin kaliyan watu ametis. [2] Bédané sitrin asli kaliyan ingkang damelan wau saking mengkilapé, ingkang asli wernanipun luwih mengkilap. [2] Sak sanèsé uga wonten jinis sanès saking watu akik kecubung, inggih menika kecubung wulung. [5] Kecubung wulung gadhah werna ireng cemeng asli. [5] Ciri-cirinipun yèn ditrawang ing ngandhapipun srengéngé katon werna wungu kembang térong. [5]

Gunane[sunting | sunting sumber]

Kejaba gadhah werna kang apik, watu ametis niki dipercaya gadhah pengaruh saged damel ingkang gadhah watu menika bakal kuat mendem arak, nahan emosi, pengasihan lan, ketenangan ing makarya. [1] Sak sanèsé uga saged damel semangat kanggé ngadhepi pepalang. [2] Kecubung wungu tua kathah kang ngarani kecubung dhuwet, disenengi para kyai jalaran werna niki nglambangaké welas asih. [2] Lan uga wonten malih saking sumber sanès kang nyebutaken menawi watu kecubung niki saged nambani penyakit jantung. [3]

Cathetan suku[sunting | sunting sumber]

  1. ^ a b c Batu Kecubung Kasihan(27 Maret 2011 Kecubung Kasihan)
  2. ^ a b c d e f g h i j k l m n o p q r s (id)[Panjebar Semangat.Kecubung Kasihan.8 Agustus 2009]
  3. ^ a b c Batu Kecubung Kasihan(28 Maret 2011 Kecubung Kasihan)
  4. ^ Batu Kecubung Kasihan (28 Maret 2011 Kecubung Kasihan)
  5. ^ a b c Batu Kecubung Wulung (28 Maret 2011 Kecubung Wulung)