Wangsa Candra

Kresnasalah siji keturunan Wangsa Candra kang misuwur

Wangsa Candra utawa Wangsa Soma yaiku salah siji wangsa kang misuwur ana ing legendha India, kang miturut gethok tular didhunaké déning Candra (Soma), déwa rembulan. Cathetan ngenani wangsa iki ditemokaké ana ing susastra Hindhu, kaya Purana, Mahabharata, Srimad Bhagawatam, lan sapanunggalané.

Wangsa kang isih sadulur karo wangsa iki yaiku Wangsa Surya, kang miturut gethok tular didhunaké déning Surya, déwa srengéngé. Wangsa Candra seduluran karo Wangsa Surya merga leluhur saka kekaro wangsa iki duwé gegandhèngan keluwarga saka nikahan.

Sawisé pirang-pirang génerasi, Wangsa Candra kabagi dadi Wangsa Yadu lan Wangsa Puru. Ana ing Wangsa Puru, lair raja Bharata kang misuwur ana ing legendha India, kang garis keturunané dijenengi Wangsa Bharata. Ana ing Wangsa Bharata, lair Raja Kuru kang garis keturunané dijenengi Wangsa Kuru. Dadi ana ing Wangsa Candra akèh wangsa nanging sebeneré ana siji.

Legendha

Miturut ana ing cathetan Purana lan Mahabharata, wangsa iki didhunaké déning Candra, déwa rembulan. Candra palakrama karo Tara banjur duwé anak kang dijenengi Budha, déwa planèt Merkurius. Budha palakrama karo Ila, putri Manu. Budha lan Ila duwé anak kang dijenengi Pururawa. Pururawa iki kang misuwur dadi raja pisanan saka Wangsa Candra, déné bapak lan kakiné yaiku déwa, dudu raja. Ibu saka Pururawa, Ila, yaiku putri Waiwaswata Manu. Dhèwèké seduluran karo Ikswaku, leluhur Wangsa Surya. Ila lan Ikswaku padha keturunan saka Surya, kang ndadèkaké antarané Wangsa Candra lan Surya duwé gegandhèngan keluwarga. Wangsa Yadu (wangsa Yadawa) yaiku cabangan saka Wangsa Candra, merga Sang Yadu kang ngedegaké Wangsa Yadu kuwi keturunan Yayati, raja Wangsa Candra. Dadi, antarané Wangsa Yadu lan Candra uga duwé gegandhèngan keluwarga. Wangsa Yadu nyabang menèh dadi Wangsa Wresni (Warsneya), Wangsa Andhaka, lan Wangsa Bhoja. Kabèh wangsa iki duwé leluhur kang padha karo Wangsa Candra.

Silsilah

Candra

Tara

W. Manu

Srada

Budha

Ila

Ikswaku

putra-putra

Pururawa

Wikuksi

Wangsa Candra

Wangsa Surya

Yadu

Puru

Wangsa Yadawa

Wangsa Boja

Wangsa Paurawa

Wangsa Wresni

Wangsa Barata

Wangsa Kuru

Dhaptar para raja

Ing ngisor iki dhaptar para raja ana ing Wangsa Candra. Kitab kang digunakaké dadi réferènsi yaiku kitab Wisnupurana lan Purana liyané.

1. Pururawa (putrané Budha, putuné Candra)
2. Ayu (pangadeg Mathura)
3. Nahusa
4. Yayati
5. Puru (pangadeg Wangsa Puru)
6. Janamejaya I
7. Pracinwata (Pracinwan)
8. Sampayani (Sanyati)
9. Garhaspati (Ahayanti)
10. Sarwaboma
11. Jayatsena
12. Awacina
13. Arihan I
14. Mahaboma
15. Ayutanayi
16. Akrodana
17. Dewatiti
18. Arihan II
19. Reksa I
20. Matinara
21. Tansu (Trasnu)
22. Ilina
23. Duswanta
24. Bharata (pangadeg Wangsa Bharata)
25. Bumanyu
26. Suhotra
27. Sawarna
28. Hasti
29. Wikuntana
30. Ajamida
31. Reksa II
32. Sambarana
33. Kuru (pangadeg Wangsa Kuru)
34. Widurata
35. Anaswan
36. Parikesit I
37. Suyasa
38. Bimasena
39. Pratisrawas
40. Pratipa
41. Santanu
42. Citrānggada
43. Wicitrawirya
44. Pandu
45. Dretarastra
46. Yudistira
47. Parikesit II
48. Janamejaya II
49. Satanika
50. Sahastranika
51. Aswamedadata (Ashwamegadutta)
52. Adisimakresna
53. Nicaksu
54. Usna
55. Citrarata
56. Sucidrata
57. Wresniwana
58. Susena
59. Sunita
60. Ruca
61. Niracaksu
62. Sukibala
63. Pariplawa
64. Sunaya
65. Megawi
66. Nirpanjaya
67. Durwa
68. Tigamatma
69. Wrehadrita
70. Basudata
71. Satanika II
72. Udayana
73. Wahinara
74. Dandapani
75. Niraniba
76. Ksimaka