Vivien Thomas

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Vivien Theodore Thomas

Vivien Theodore Thomas (lair 29 Agustus 1910 – tilar donya 26 November 1986 kanthi umur76 taun) punika satunggiling tèknisi bedhah mawi kabangsan Amérika ingkang mbiyantu ngembangaken tata cara pambedhahan sindrom bayi biru. Panjenenganipun punika asistènipun Alfred Blalock, profésor bedhah ing Univèrsitas Vanderbilt ing Nashville, Tennessee lajeng wonten ing Univèrsitas Johns Hopkins ing Baltimore, Maryland. Senadyan boten ngenyam pendhidhikan inggil, Thomas ngupados kanggé pikantuk pepadhan ras ing babagan pedamelan. Salajengipun Thomas dados ahli bedhah jantung ingkang misuwur ing Amérika.

Mangsa Awal[sunting | sunting sumber]

Thomas miyos ing Lake Providence, Louisiana saking satunggiling kulawarga perajin kajeng. Panjenenganipun ngenyam pendhidhikan menengah ing Pearl High School ing Nashville nalika taun 1920-an. Senadyan sekolah puniku nerapaken segregasi kanggé kaum cemeng, nanging panjenenganipun pikantuk pendhidhikan kualitas inggil ing ngrika.

Thomas ngetingalaken kasagedan ing prosès pambedhahan nalika panjenenganipun nyambut damel dhumateng Blalock, saéngga Blalock maringaken kabébasan èkspèrimen dhumateng Thomas. Lajeng, Thomas pikantuk piwulang bab èlmu bedhah. Blalock lan Thomas silih ngajèni satunggal lan sanèsipun senadyan kekalihipun bènten ras. Ing njawi lab, Thomas lan Blalock kapeksa pisah amargi pulitik aparteid. Thomas pikantuk bayaran pegawé tataran tiga, kamangka panjenenganipun nyambut damel minangka tèknisi laboratorium bedhah.

Jasa ingkang boten dipun ajèni[sunting | sunting sumber]

Thomas ngembangaken satunggiling métode kanggé mbedhah pasièn sindrom bayi biru nalika taun 1946, ing pundi aorta pasièn silih gentos. Thomas naté nglampahi satunggiling pambedhahan awrat ingkang dipunsebat atrial sepectomy. Thomas nglampahi pambedhahan puniki kanthi lancar sanget, ingkang damel Blalock éram lan ngandika "Vivien, this looks like something the Lord made."

Salajengipun, Thomas dados legenda minangka tiyang ingkang ngembangaken tèknik bedhah ingkang èfisièn. Para ahli bedhah kadosdéné Cooley, Haller, lan Spencer mraktèkaken tèknik puniki, lan sami dados bagéyan paling ngajeng salebetipun kadhokteran Amérika Sarékat. Émanipun, jasa Vivien Thomas tetep boten dipun ajèni. Malah panjenenganipun langkung asor bayaranipun tinimbang tèknisi lab kulit cemeng sanèsipun. Asring, panjenenganpun dados pelayan Blalock nalika Blalock ngawontenaken pésta ing griyanipun.

Karièr[sunting | sunting sumber]

Vivien Thomas nuli dados Direktur Laboratorium Bedhah ing Johns Hopkins. Thomas ndhidhik sapérangan tèknisi lab Afro-Amérika ingkang salajengipun misuwur ing Amérika. Sasampunipun pènsiun, Thomas nyerat satunggiling autobiografi ingkang asesirah Partners of the Heart. Panjenenganipun ugi nampi gelar kinurmatan dhoktor hukum, amargi dipun larang pikantuk gelar dhoktor mèdhis. Thomas ugi dipun tunjuk minangka Instruktur Bedhah ing Sekolah Kadhokteran Johns Hopkins. Sapuniki, nami Vivien Thomas dipun pigunakaken kanggé nami bebungah béasiswa.

Daftar pustaka[sunting | sunting sumber]

  • (1985) Partners of the Heart: Vivien Thomas and His Work with Alfred Blalock (originally published as Pioneering Research in Surgical Shock and Cadiovascular Surgery: Vivien Thomas and His Work with Alfred Blalock), U. Penn. Press.ISBN 0-8122-1634-2
  • (1989) "Like Something the Lord Made", by Katie McCabe. Washingtonian magazine, August 1989. Reprinted in Feature Writing for Newspapers and Magazines: The Pursuit of Excellence, ed. by Jay Friedlander and John Lee. May also be accessed by going to the film's web site, below.
  • (2003). Partners of the Heart. American Experience.
  • (2003) Stefan Timmermans, "A Black Technician and Blue Babies" in Social Studies of Science 33:2 (April 2003), 197–229.
  • (2004)"Something the Lord Made", HBO movie, Portrayed by Mos Def

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Vivien_Thomas&oldid=827065"