Việt Minh

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Flag of North Vietnam 1945-1955.svg

Việt Minh (singkatan saka Việt Nam Ðộc Lập Ðồng Minh Hội, "Liga Kamardikan Vietnam") didegaké Hồ Chí Minh taun 1941 kanggo merjuangaké kamardikan Vietnam saka Prancis lan ngusir pandhudhukan Jepang. Liga iki arupa organisasi sing béda karo Việt Nam Cách Mạng Ðồng Minh Hội ("Liga Révolusi Vietnam", disingkat Việt Cách) sing didegaké Nguyễn Hai Than lan Hồ Ngoc Lam, sing nuli ing taun 1946 manunggal jroning Koalisi Nasional Vietnam.

Perang Donya II[sunting | sunting sumber]

Nalika Perang Donya II, Jepun ndhudhuki Indochina Prancis. Saliyané nentang pihak Prancis Vichy, Việt Minh nglancaraké kempen nentang panceroboh Jepang. Amarga nentang Jepang, Việt Minh nampa bantuan dhuwit saka pihak Amérika Sarékat lan Cina, senajan pihak Cina arep ngunjarakaké Hồ Chí Minh sakwéné setaun luwih nalika nentang pamaréntahan tentera Jepang amarga panjenengané sawijining pengikut komunis. Yèn Jepang nyerah kalah sasi Agustus 1945, pihak Jepang masrahaké kuwasa sapérangan bangunan awam ing Hanoi marang Việt Minh sangisoré pimpinan Hồ Chí Minh. Sawisé tuwuh Nasionalis liya sing nelakaké kamardikan kanggo Vietnam; Hồ nelakaké Républik Demokratik Vietnam tanggal 2 September 1945.

Perang Indochina Pisanan[sunting | sunting sumber]

Senadyan mangkono, jroning mangsa sapérangan dina, tekané tentera Kuomintang Cina ing Vietnam kanggo ngawasi tekané manèh Tentera Diraja Jepang. Mula, Républik Demokratik Vietnam mung wujud sacara téori lan sabeneré durung nguwasani wilayah ngendi-endi. Sapérangan sasi sabanjuré, pihak Cina, Vietnam lan Prancis nggayuh kasepakatan telung perkara. Pihak Prancis nyerahaké hak-hak tinentu ing Cina, Viet Minh nyarujuki baliné pihak Prancis minangka ijol marang janji-janji kamardikan jroning lingkungan Kamanunggalan Prancis lan pihak Cina sarujuk kanggo mundur saka tlatah Vietnam. Senadyan mangkono, rundhingan antarané Prancis lan Việt Minh cepet nemoni kagagalan, nuli chandhaké sepuluh taun peperangan nentang Prancis sing ditepungi minangka Perang Indochina Prancis, utawa Perang Prancis marang wong Vietnam.

Jendral Jean-Etienne Valluy saka Prancis kanthi cepet ngusir Việt Minh metu saka Hanoi. Infantriné sing duwé unit tamèng liwat Hanoi lan kalibat jroning peperangan-peperangan cilik nentang kumpulan-kumpulan Việt Minh ing pangasingan. Pihak Prancis ngepung markas Việt Minh, yaiku Việt Bắc nalika taun 1947, nanging gagal niwasaké angkatan Viet Minh, nuli kapeksa mundur. Kempen iki saiki dianggep minangka kamenangan Việt Minh marang kuwasané Prancis sing lengkap.

Việt Minh terus nentang Prancis saéngga taun 1949 sempadan Cina lan Viet Minh disambung dhéwé minangka kesan kempen sing diarani Chiến dịch Biên giới (Kempen Perbatasan). Cina paring marang Việt Minh markas pangayoman lan gegaman abot sing dipigunakaké kanggo nentang Prancis. Kanthi gegaman tambahan iki, Việt Minh bisa nguwasani akèh kawasan jaba bandar ing negara.

Dadi kawigatèn[sunting | sunting sumber]

Việt Nam Ðộc Lập Ðồng Minh Hội ora patut diklèrokaké karo Việt Nam Cách Mạng Ðồng Minh Hội (Liga Révolusi Vietnam, disingkat minangka Việt Cách) sing digawé déning Nguyễn Hai Than lan Hồ Ngoc Lam, lan sabanjuré nyertani Parti Campuran Kebangsaan Vietnam nalika taun 1946.

Pirsanana uga[sunting | sunting sumber]

Réferènsi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Việt_Minh&oldid=822848"