Varises

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
pembuluh getih sing ngalami pelebaran

Varisès yaiku metuné urat-urat alus sing mlengkak-mlengkok, nyabang kaya jaring temangga.[1] Varisès kuwi pelébaran pembuluh getih merga gedhéné tekanan maring dhaerah tertamtu, tuladhané varisès sikil sing dialami ibu sing lagi ngandhut utawa wong sing kelemon.[1] Varisès biyasané ditemokaké ing tungkai ngisor, tungkai dhuwur, lan dinding weteng pérangan ngisor.[2] Senajan biyasa ditemokaké ing dhaérah-dhaérah kang disebutaké mau, pranyata varisès bisa ditemokaké ing bagéyan endi waé ing awak.[2]

5 Perkara sing bisa marakaké varisès sikil[sunting | sunting sumber]

sikil paling kerep kena varises

Ana 5 perkara sing bisa marakaké varisès sikil.[3]

  1. Kehamilan / meteng / ngandhut bisa ngundhakaké aliran getih ing kabeh perangan awak. Bobot tambahan saka kandungan sing saya gedhé uga bisa marakaké varisès.
  2. Keturunan utawa génetik kuwi faktor tunggal sing paling bisa dipesthékaké marakaké varisès.
  3. Kurang obah / gerak. Akèh gawéyan sing nuntut kudu lungguh sedina-dina. Perkara kuwi mau bisa marakaké peredaran getih ora lancar lan tekanan sing kakéhan ing dhaérah sikil.
  4. Hormonal kuwi salah siji faktor sing bisa marakaké varisès. Faktor hormonal iki biyasa dialami wong sing lagi ngandhut, pubertas, menopause, lan wong sing nggunakaké kontrasepsi hormonal
  5. Kakéhan ngadeg bisa marakaké getih luwih akèh terkonsèntrasi ing sikil saéngga tekanan ing dhaerah kuwi mundhak. Kuwi bisa marakaké pembuluh getih saya amba kanthi permanen.


Tandha-tandha Varisès[sunting | sunting sumber]

Tandha-tandha varisès yaiku.[4]

  1. Sikil cepet kesel
  2. Tungkai pérangan ngisor lan pergelangan sikil gatel, luwih-luwih nalika tungkai ing kondisi anget (sawisé nganggo guwik utawa stoking).

Ana manèh sing nyebutaké tandha-tandha varisès kaya ing ngisor iki.[5]

  1. Sikil krasa abot lan lara
  2. Sikil pérangan ngisor krasa panas, otot kejang, keduten, lan aboh.
  3. Sikil krasa tambah lara nalika ngadeg utawa lungguh kesuwen.
  4. Gatel ing sakupengé pembuluh vena
  5. Ing dhaérah sing cedhak kemiri mborok lan merlokake pengobatan medis merga saking nemené.

Jinis-jinis Varisès[sunting | sunting sumber]

pembuluh vena sikil katon saka jaba

Ana 4 jinis varisès.[6]

  1. Varisès golongan èntèng uga disebut spider navy. Umumé merga suhu sing banget panasé utawa atisé, merga kena sorot srengenge terus-terusan, lagi ngandhut, faktor gènetik, biasa mangan pedhes, lan pengobatan hormonal. Spider navy bisa metu ing rai, pangkal lengen, sémpol, dhaérah dhengkul, lan pergelangan sikil lan tungkak. Térapi sing digunakaké kanggo marasaké yaiku laser utawa nganggo alat listrik kanggo nglebokaké zat maring kulit kanthi ancas nyilikaké pembuluh getih.
  2. Varisès ing jero kulit. Varisès iki ndadi ing pembuluh véna sing alus lan tipis ing sikil. Kanggo marasaké biyasané nggunakaké obat-obatan sing bisa nguataké dinding vena lan nglancaraké aliran getih. Saliyané kuwi, sing ngalami varisès jinis iki uga dikongkon nganggo stocking khusus sing fungsiné menekan pembuluh véna saéngga otot lan dinding vena bisa kerja kanthi maksimal
  3. Rèticular varicose veins'' yaiku wujud varisès kang wis nemen merga ndadi ing pembuluh getih sing ana ing ngisor kulit. Kanggo marasaké biasané nggunakaké obat-obatan sing bisa nguataké dinding vena lan nglancaraké aliran getih. Saliyané kuwi, sing ngalami varisès jinis iki uga dikongkon nganggo stocking khusus lan olahraga kaya joging lan nglangi sarta disaranaké ora ngaggo sepatu utawa sandhal high heel
  4. Varisès kronis iki bakal ngatonaké pembuluh getih sing mlengkak-mlengkok ing kéntol. Kanggo marasaké biasané nggunakaké obat-obatan sing bisa nguataké dinding vena lan nglancaraké aliran getih. Saliyané kuwi, sing ngalami varisès jinis iki uga dikongkon nganggo stocking khusus lan olahraga kaya joging lan nglangi sarta disaranake ora ngaggo high heel. Saliyané kuwi uga disaranaké térapi suntik. Yén térapi suntik ora mempan, pembuluh véna kudu dibedhah kanggo ngilangi pembuluh véna sing rusak.


Cara ngalangi metune varisès[sunting | sunting sumber]

  1. Turon kanthi posisi sikil lan tungkai luwih dhuwur saka jantung nganti 20 menit. Fungsi posisi iki yaiku nglancaraké peredaran getih maring jantung.
  2. Yoga saben dina.
  3. Aja ngadeg kesuwèn.
  4. Olahraga rutin kanggo nglatih otot sikil kaya mlaku-mlaku, jogging, sepédahan, nglangi (minimal 30 menit saben dina).
  5. Aja mijet ing dhaérah sing varisès.
  6. Akèhi mangan janganan lan buah sing akèh seraté, pilih panganan sing bisa merangsang sirkulasi getih kaya bawang, brambang, bawang bombay, jahé lan lombok abang. Saliyané kuwi, pilih panganan sing ngandhung vitamin B kompleks, vitamin C, vitamin E, Vitamin B6, magnésium, asam folat, kalsium lan zinc.
  7. Kurangi konsumsi gula, uyah, daging sing wernané abang, goréngan, lan protéin héwani.
  8. Kerep sembujung

Cathetan Suku[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Varises&oldid=830013"