Unadon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Unadon うな丼

Unadon atau unagidonburi (鰻丼?) yaiku masakan Jepang awujud sega kang diwenehi unagi (sidat Jepang) kang dimasak kanthi cara kabayaki. Ing ndhuwure sega digebyur saus (tare) kang rasane legi supaya sedhep. Sadurunge dipangan, ing ndhuwure unadon diwenehi bubuk andaliman sithik.

Saos digawe saka campuran gula pasir lan kecap asin, senajan padatan uga ditambah campuran liya. Andaliman (jeneng Jepang:sanshō) diwurake ing sandhuwure unadon kanggo ngilangi ambu amonia kang kadhang-kadhang metu saka daging sidat Jepang kang akeh gajihe. Bubuk andaliman uga bisa ngelongi ambu gajih. Ing set menu ing restoran, unagi kabayaki utawa unadon padatan disuguhake bebarengan karo sup bening (kimosui) kang isine ati sidat Jepang.

Ana uga cara nyuguhake unagi kang dijenengi adhedhasar karo wadhahe. Sega lan unagi kang disuguhake ing sajroning kothak jibako diarani unajū.[1] Dibandingake unadon, unajū nduwe citra minangka panganan larang. Ing Nagoya lan sakupenge ana masakan jenenge hitsumabushi.

Unagi Kabayaki

Unagi kabayaki diprecaya minangka panganan kang nduwe gizi kanggo nambah stamina sadawaning mangsa panas ing Jepang. Unagi kabayaki akeh dipangan ing dina Doyō no Ushi mangsa panas (watara minggu kaping telu sasi Juli).

Delengen uga[sunting | sunting sumber]

Cathetan suku[sunting | sunting sumber]


Logo Wikimedia Commons
Pirsani galeri bab Unadon ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Unadon&oldid=832227"