Turi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Turi
Turi
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Fabales
kulawarga: Fabaceae
Subkulawarga: Faboideae
Suku: Robinieae
Genus: Sesbania
Species: S. grandiflora
Jeneng binomial
Sesbania grandiflora
(L.) Poiret

Turi (Sesbania grandiflora syn. Aeschynomene grandiflora) arupa wit cilik (dhuwur bisa tekan 10m). Asal diduga saka Asia Kidul lan Asia Kidul-wétan nanging saiki wis kasebar menyang manéka dhaérah tropis donya.

Wangun arupa wit kanthi pacawangan arang, cawang ndhatar, watang utama jejeg, tajuk cenderung saya dhuwur, godhong nyirip gandha. Kembangé kasusun majemuk, makutha awerna putih, tipe kupu khas Faboideae. Woh polong, nggantung.

Turi dimupangataké minangka wit pangayom dalan utawa pekarangan. Godhong lan kembangé bisa dijangan. Kembangé biyasané digunakaké jroning masakan pecel. Kulit watang turi nduwèni khasiyat minangka obat radhang usus, obat seriawan lan obat kudhis.

Woh kembang iki bisa kanggo obat sirah ngelu, adhem-atis mriyang, nifas, bèri-bèri, watuk, radhang gorokan, lan keputihan.[1] Kulité kembang bisa kanggo obat radhang usus, ngising getih, kudhis, sariawan.[1] Kabèh perangané kembang iki kanggo obat disentri.[1]

Jeneng-jeneng lokal ing Indonésia nyakup turi (Jawa Tengah), turi (Pasundan), toroi (Madura), tuwi, suri (Mongondow), uliango (Gorontalo), gorgogua (Buol), kayu jawa (Baree, Makasar), ajutaluma (Bugis), palawu (Bima), tanunu (Sumba), gala-gala (Timor), tun (Ternate, Tidore).

Kembang turi, saka varietas kang kembange abang

Cathetan sikil[sunting | sunting sumber]

  1. ^ a b c (id) Wiyoto, Laksono. Macam-macam Ramuan Asli Obat Tradisional (Warisan Para Leluhur). Sala: AMIGO, Kaca: 95

Pranata njaba[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Turi&oldid=829940"