Tropisme

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Arah pertumbuhan taoge anuju cahya kang nudhuhake fototropisme.

Tropisme yaiku pergerakan ing pertumbuhan sel (umume ing sel tanduran) kang nyebabake pergerakan organ tanduran utuh anuju utawa ngadohi sumber rangsangan (stimulus).[1] yen pergerakan pertumbuhan anuju arah sumber rangsangan, proses mau diarani tropisme positif, dene pergerakan pertumbuhan kang ngadohi sumber rangsangan diarani tropisme negatif.[1] Sacara etimologis, tropisme saka basa Yunani "tropos" kang ateges "mubeng".[1] saiki wis tinemu macem-macem tropisme adhedhasar sumber stimulus utawa rangsangane.[1]

Jenis-jenis tropisme[sunting | sunting sumber]

Fototropisme Fototropisme yaiku pergerakan pertumbuhan tanduran kang diprabawani dening rangsangan cahya.[1] Tuladhane fototropisme yaiku pertumbuhan koleoptil rumput anuu arah tekane cahya.[1] Koleoptil minangka godhong wiwitan kang urip saka tanduran monokotilkang duweni fungsi minangka pelindung lembaga kang lagi thukul.[1] Hipotesis nyebutake menawa kedadeyan iki disebabake dening kecepatan dawane sel-sel luwih jelas amarga anane penybaran aksin kang ora rata saka pucuking tunas. [1]Hipotesis liyane kandha menawa pucuk tunas minangka fotoreseptor kang micu respons pertumbuhan.[2] Fotoreseptor yaiku molekul pigmen kang disebut kriptokrom lan sensitif banget marang cahya biru.[2] Nanging, para ahli yakin menawa fototropisme ora mung diprabawani dening fotoreseptor, nanging uga diprabawani dening macem-macem hormon lan jalur signaling.[2]

Cathetan Suku[sunting | sunting sumber]

  1. ^ a b c d e f g (en)Campbell NA, Reece JB (2004). Biology, 7th Edition. Benjamin Cummings. ISBN 978-0-8053-7146-8.
  2. ^ a b c (en)Craig W. Whippo (2006). "Phototropism: Bending towards Enlightenment". The Plant Cell 18: 1110-1119. http://www.plantcell.org/cgi/content/full/18/5/1110.pdf.
Sumber artikel punika saking kaca situs web: "http://jv.wikipedia.org/w/index.php?title=Tropisme&oldid=830865"