Trinil

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Java man.jpg

Trinil iku situs paleoantropologi ing Indonésia sing dumunung ing Désa Kawu, Kecamatan Kedhunggalar, Kabupatèn Ngawi, Jawa Wétan (kira-kira 13 km sadurung’e kutha Ngawi saka arah kutha Solo). Trinil minangka kawasan ing lembah Kali Bengawan Solo sing dadi panggonan kauripan jaman purba, persisé ing jaman Plistosen Tengah, watara sak yuta taun kapungkur.

Ing taun 1891 Eugène Dubois, sawijining ahli anatomi nemokaké tilas manungsa purba pisanan ing sajabaning Éropah yaiku spesimen manungsa Jawa. Taun 1893 Dubois nemokaké fosil manungsa purba Pithecanthropus erectus sarta fosil satokéwan lan tetanduran purba liya.

Wektu iki ing Trinil madeg sawijining museum sing mangon ing laladan sing jembaré telung hèktar, papan kanggo nyimpen koleksiné antara liya fosil tengkorak Pithecantrophus erectus, fosil balung uwang ngisor macan purba (Felis tigris), fosil gadhing lan untu uwang ndhuwur gajah purba (Stegodon trigonocephalus), lan fosil sungu banthèng purba (Bibos palaeosondaicus). Situs iki dibangun saka prakarsa Prof. Teuku Jacob ahli antropologi saka Universitas Gadjah Mada.

Deleng uga[sunting | sunting sumber]

Rujukan[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Trinil&oldid=833144"