Trancam

Trancam

Trancam inggih punika salah satunggaling jinis tetedhan ingkang populèr ing Jawi Tengah. Wujudipun kados urap, dipundamel saking woh-wohan utawi ron-ronan ingkang taksih mentah, kados ta:

• Kacang lanjaran
• Timun
• Kecambah utawi toge
• Bengkoang
• Wortel
• Krambil
• Témpé
• Ron Kemangi
• Sambel

Sejatosipun trancam punika mèmper sanget kaliyan urap. Bèdanipun manawi trancam ngagem ron kemangi. Sayuran mentah gadhah ènzim ingkang asipat topunikam. Khasiatipun saged mbiyantu ngatasi gangguan ginjel.

Caranipun Damel

1. Kacang lanjaran, timun, bengkoang, wortel dipunrajang alit-alit.
2. Témpé dipunpanggang lajeng dipunrajang alit-alit.
3. Klapa dipunparut, dipunpendhet ampasipun.
4. Damel sambel. Lombok, bawang, kencur, uyah dipunulek.
5. Campuraken sadaya bahan lajeng dipunkolèh. Sasampunipun dipunkolèh, trancam saged dipundhahar. Trancam saged dados lawuh, ugi saged dipunjambal.

Pranala njawi

• Kompasiana: Trancam
• Sajiansedap:Trancam Archived 2012-12-09 at the Wayback Machine.
• Tabloid Nova: Trancam tabur udang Archived 2012-10-25 at the Wayback Machine.
• Okefood: Trancam