Tradhisi sing diciptakaké

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
George IV nganggo sawijining kilt déning David Wilkie, 1829.
Senadyan kilt Skotlandia iku lagi dienggo wiwit abad kaping 16, wiwit abad kaping 19 kilt iki nglambangaké budaya Skotlandia lan konon ndarbèni latar mburi Keltik.

Tradhisi sing diciptakaké (basa Inggris Invented traditions) iku sawijining konsèp sing diwedhar ing sawijining buku sing terbit ing taun 1983 lan ditulis déning E. J. Hobsbawm lan T. O. Ranger, The Invention of Tradition[1] Ing introduksi buku iki, para panulis ngandharaké menawa akèh barang sing diarani 'tradhisi' iku sajatiné asalé mutakir lan malahan kerep diciptakaké utawa dirékayasa.[2] Para panulis iki mbédakaké antara nyiptakaké tradhisi saka miwiti tradhisi. Ing kasus pungkasan iki ora ana sing ngeklaim menawa tradhisi sing diwiwiti iku wis lawas. Fénoména kaya mengkéné iki utama cetha ing perkembangan modèrn bangsa lan nasionalisme.[3]

Salah sawijiné dampak saka konsèp iki yaiku menawa prabédan antara "tradhisi" lan "modèrnitas" kerepé uga bahan rékayasa. Konsèp iki "rélévan banget tumrap ing inovasi historis sing bisa diarani mutakir, 'bangsa' lan fénoména kagandhèngé kayata: nasionalisme, negara-bangsa, simbul-simbul nasional, sajarah lan liya-liyané." Hobsbawm lan Ranger uga mènèhi komentar ing "paradoks sing anèh nanging bisa dimangertèni: bangsa-bangsa modèrn lan kabèh tètèk bengèké umumé ngeklaim menawa kabèh iki asalé ora saka jaman mutakir, nanging saka jaman baheula lan muncul sacara alami, ora dibangun. Dadi komunitas-komunitas manungsa sing alami lan ora mbutuhaké définisi liya saliyané rasa percaya-diri."[4] Dampak liyané iku menawa konsèp kaaslian utawa "otèntisitas" uga dadi ora pasti.

Panrapan[sunting | sunting sumber]

Konsèp lan istilah iki wis ditrapaké sacara amba sing sawatara fénoména kabudayan kayata Alkitab lan Zionisme,[5] seni béla dhiri Jepang,[6], "mitos highland" ing Skotlandia,[7], lan tradhisi-tradhisi agama-agama gedhé,[8] ing antarané. Konsèp iki pangaribawané gedhé ing konsèp-konsèp kagandhèng sing mèmper kayata konsèp 'komunitas bayangané' (imagined comunities) Benedict Anderson lan 'èfèk pizza'.

Resènsi[sunting | sunting sumber]

Salah sawijiné juru resènsi téori iki ngandharaké menawa "tradhisi sing diciptakaké iku sawijining ukara sing apik banget sacara subvèrsif" nanging ukara iki "ndarbèni surasa sing ambigu." Hobsbawm "mbandhingaké tradhisi sing diciptakaké karo apa sing diarani 'kakuwatan lan daya adaptasi tradhisi asli.' Nanging ing ngendi 'daya adaptasiné' utawa apa sing diarani déning kancané Ranger 'flèksibilitas' iku entèk lan panyiptan tradhisi wiwit? Déné kabèh tradhisi iku owah, apa bisa utawa migunani menawa wong iku nyoba mbédakaké barang antik sing 'asli' saka sing 'palsu'?"[9] Juru resènsi liya uga ngelem kwalitas artikel-artikelé sing dianggep dhuwur nanging dhèwèké uga ana kritiké. "Pamilahan kaya mengkono" (antara tradhisi sing diciptakaké karo sing asli) "bakal mungkasi dadi asli lan palsu. Pamilahan kaya mengkéné iku sawijining pamilahan sing ora bisa ditampa amarga kabèh tradhisi (kaya kabèh fénoména simbolis) digawé déning manungsa ("palsu") lan ora dumadi sacara alami ("asli").[10]

Cathetan sikil[sunting | sunting sumber]

  1. ^ (Cambridge; New York: Cambridge University Press, 1983; ISBN 82014711).
  2. ^ Kaca 1.
  3. ^ Artikel-artikel ing buku iki ngandhut tulisané Hugh Trevor-Roper The invention of tradition: the Highland tradition of Scotland, Prys Morgan From a death to a view: the hunt for the Welsh past in the romantic period, David Cannadine The context, performance and meaning of ritual: the British monarchy and the 'invention of tradition', c. 1820-1977, Bernard S. Cohen Representing authority in Victorian India, Terence Ranger The invention of tradition in colonial Africa, lan Eric Hobsbawm Mass-producing traditions: Europe, 1870-1914.
  4. ^ Kaca 14
  5. ^ Nur Masalha, The Bible and Zionism: Invented Traditions, Archaeology and Post-Colonialism in Palestine-Israel (London; New York: Zed Books 2007). ISBN 1842777610)
  6. ^ Stephen Vlastos, ed., Mirror of Modernity: Invented Traditions of Modern Japan (Berkeley: University of California Press, 1998. ISBN
  7. ^ M. Sievers, The Highland Myth as an Invented Tradition of 18th and 19th Century and Its Significance for the Image of Scotland (GRIN Verlag, 2007), ISBN 3-638-81651-6, pp. 22-5.
  8. ^ Masuzawa, Tomoko (2005). The Invention of World Religions. Chicago University of Chicago Press. ISBN 978-0-226-50989-1.
  9. ^ Peter Burke, "Review," The English Historical Review 101.398 (1986): 316-317. [1]
  10. ^ Richard Handler, "Review" American Anthropologist 86.4 (1984): 1025-1026. [2]