Tour Total

Tour Total

Tour Total
Tetélan pokok
Jinis	Office
Cakrik yasan	Modern architecture
Pernah	La Défense (Courbevoie)
Diyasa kawit	1982
Rampung	1985
Height
Antenna spire	190 m (620 ft)
Roof	187 m (614 ft)
Technical details
Floor count	48
Floor area	130,000 m2 (1,400,000 sq ft)
Rancangan lan yasan
Arsitèk	WZMH Architects, Roger Saubot

Tour Total (kala rumiyin ugi misuwur minangka Tour Elf saking taun 1985 ngantos 1999, lan Tour TotalFinaElf saking taun 1999 ngantos taun 2003) inggih punika satunggaling kantor pencakar langit ingkang mapan wonten ing La Défense, Courbevoie, satunggaling tlatah distrik bisnis ingang ageng ingkang mapan wonten ing sisih kulon lan caket kaliyan kitha Paris, Prancis lan ing wekdal sapunika ugi dados kantor kanggé Total SA, salah satunggal saking enem perusahaan lenga ingkang kalebet super ageng ing dunya.

Wujudipun

Sasampunipun rampung dipunyasa lan wiwit dipunbikak ing taun 1985, Tour Total inggih minangka yasan pencakar langit ingkang paling ageng wonten ing La Défense lan minangka yasan ingkang paling inggil nomer kalih ing Paris sasampunipun Tour Montparnasse. Tour Total gadhah dhuwur ingkang kirang langkung ngantos 190 mèter (623 kaki); lan ugi gadhah satunggal antena ingkang dhuwuripun 3 mèter (9 kaki) ingkang wonten ing atapipun ingkang papanipun wonten ing dhuwur 187 mèter (614 kaki) saking sak nginggiling siti. Papan ingkang wonten ing papan punika kedahipun minangka papan sepisanan ingkang dipunsamektakaken kanggé damel yasan pencakar langit ingkang minangka dados menara kembaranipun Tour Areva, nanging amargi regi lenga ing taun 1974 lajeng meksa para investor kanggé mbatalaken kanggé damel proyek punika. Tour Total inggih punika kalebet salah satunggal saking pencakar langit genarasi kaping tiga saking La Défense. Arsitek mbiyantu kanggé mbangung menara genarasi sadèrèngipun kados ta Tour Areva, Tour Gan, Tour AXA. Tour Total langkung efisien anggènipun ngginakaken energinpiun amargi sampun ngemat ènergi kanthi wontenipun isolasi kaca, lan manajemen ènergi ingkang saé manawi dipuntandhingaken kaliyan gedung pencakar langit La Défense sadèrèngipun. Kode nama lokasi menara ingkang wonten ing tata letakk La Defensi inggih punika CB2.

Konstruksi

Tour Total inggih punika ngewrat gangsal yasan kanthi dhuwur ingkang béda - béda lan sami gandheng antawisipun yasan satunggal kaliyan yasan sanèsipun. Déné yasan ingkang paling inggih gadhah dhuwur ngantos 48 tingkat, salajengipun inggih ingkang gadhah 44 tingkat, lan 37 tingkat]]. Ing pérangan lante paling ngandhap inggih wonten pabukon lan akses lobi kanggé para wisatawan ingkang badhé dhateng Tour Total. Déné wonten ing ruang ing sak ngandhapipun siti wonten bèji ingkang mirunggan dipundamel lan dipun-ginakaken kanggényamektakaken utawi nyplai toya manawi wonten kasus kebakaran. lan ugi wonten ruangan mirunggan kanggé para karyawan wondene ing ruangan punika para karyawan saged sami gladhèn sapérangan jinis ulah raga. Ing restoran punika ugi wonten kathah sapérangan jinis restoran ingkang minangka food corner fast ingkang nyamektakaken dhedhaharan ingkang rikat dipunsajekaken kados ta pizza. hamburger, lan sanès - sanèsipun, ugi wonten dhedhaharan ingkang ènthèng - ènthèng ingkang dipuntawaraken déning para karyawan. Wangunan Tour Total ugi gadhah satunggal auditorium lan sapérangan ruang pertemuan. Lan manawi para wisatawan badhé mlebet dhateng aréa gedung Tour Total punika saged medal lawang mlebet dhateng menara, saking ruangan ing sak ngandhaping siti (ruang bawah tanah) lajeng mangke medal eskalator, utawi saged medal saking stasiun metro Grande Arche.