Toni Braxton

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Toni braxton
Lair Toni Michelle Braxton
22 Maret 1983 (umur 31)
7 Oktober 1967 (umur 46) Severn, Maryland, U.S.
Pagawéyan aktris, penyanyi
Taun aktif 1989

Toni Michelle Braxton (lair ing Severn, Maryland, Amerika Serikat, 7 Oktober 1966; umur 47 taun) dheweké penyanyi lan penulis lagu saka Amerika Serikat, dheweké mulai kariré ning dunya musik nalika taun 1989 karo bantuan dening The Braxtons, Dheweké dadi penyanyi, kang kondhang amarga albumé kang pisanan , kang judulé Toni Braxton (dirilis nalika taun 1993), Ning album kasebut ana lagu kang dadi hité, yakuwi lagu kang judulé Another Sad Love Song. [1] Nyusul sawisé kuwi, dheweké ngrilis maneh album-album liyané, kayata Secrets (kang dirilis nalika taun 1996), The Heat (dirilis nalika taun 2000), More Than a Woman (dirilis nalika taun 2002) lan Libra (album iki dirilis nalika taun 2005).[1]

Ora namung kuwi, aktris iki uga tau menangaké nem panghargaan ning ajang Grammy Award lan albumé bisa kaedol nganti 40 yuta kopi ning kabeh tlatah ning dunya, Dheweké uga dadi pancipta tetembangan saliyané dadi aktris film. [1] Laguné kang ana ning albumé kuwi kasil saka usahané dhewe, ora namung kuwi, tetembangan kang tau dicipta dening dheweké uga sering digawakaké dening para kanca-kancané.[1]

Menawa dadi aktris, karyané ana ning serial Tv.[1] Dheweké tau mbintangi sajumlah serial ning televisi, meski namung dadi bintang tamu.[1] Ananging debuté aktingé dadi pamain ning film layar lebar, bisa dideleng saka film KINGDOM COME, [[film kang dirilis nalika taun 2001.[1] Nyusul sawisé kuwi, dheweké main ning serial TV kang judulé Play'd: A Hip Hop Story, film iki dirilis nalika taun 2002.[1]

Karir kasuksesané anggawe dheweké dipercaya dadi duta autis lan Asosiasi Jantung ning negara Amerika. [1] Braxton kagolong artis kang preduli karo masalah sosial. [1] Nalika sasi Januari taun 2010, Braxton melu rewang remake lagu We Are The World anduwené Michael Jackson kanggo mbantu korban gempa Haiti. [1] Braxton nikah karo Keri Lewis kang profesiné uga padha karo dheweké, dadi musisi.[1] Saka parnikahané karo Keri, dheweké dikarunian anak loro.[1] Sakloron anaké lanang kabeh, namané Diezel Ky Braxton Lewis kang lair nalika tanggal 30 Maret taun 2003 lan Denim Cole Braxton Lewis, kang lair nalika tanggal 2 December taun 2001. [1] Ananging nalika sasi November taun 2009, Braxton ngumumaké marang media menawa dheweké karo Keri wus cerai.[1]

Ana cerita menawa dheweké kening penyakit kang anggawe kasehatané tambah ora apik.[1] Ning acara 8th Annual Bag Ladies Lucheon, dheweké olih panghargaan Women in Achievement, lan ngomong dheweké kena penyakit Lupus nalika narima panghargaan mau.[2] Toni Braxton kena penyakit pericarditis, yakuwi pambengkakan ning bagian kang ana ning jantung.[2] Babagan kasebut, dingerteni menawa Toni Braxton anduweni tekanan geting kang dhuwur.[2] Ananging dheweké ora mandhek anggoné nyipta karya.[1] Nalika sasi Mei taun 2010 Braxton mulai ngrilis albumé kang judulé, Pulse. [1] Ning video klip hit single kaping pisanan album kasebut, Hands Tied, Braxton tampil seksi lan ber-pole dance ning bar lan ditonton karo para priya.[1]

Diskografi[sunting | sunting sumber]

Cathetan Suku[sunting | sunting sumber]

  1. ^ a b c d e f g h i j k l m n o p q r s (id)biografi Toni Braxton dipununduh tanggal 26 Juli 2011
  2. ^ a b c (id)berita Toni Braxton dipununduh tanggal 26 Juli 2011
Sumber artikel punika saking kaca situs web: "http://jv.wikipedia.org/w/index.php?title=Toni_Braxton&oldid=831215"