Tlaga Titicaca

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tlaga Titicaca dideleng saka luar angkasa.

Tlaga Titicaca iku tlaga paling dhuwur ing donya kanthi kadhuwuran 3821 m dpl. Tlaga Titicaca uga arupa tlaga paling gedhé ing Amérika Kidul. Tlaga sing ana ing pagunungan Andes iki wiyaré 8300 kilometer persegi. Negara ing wétané tlaga Titicaca yaiku Peru sauntara negara ing kuloné yaiku Bolivia.

Tlaga Titicaca nduwèni jero rata-rata watara 140 lan 180 m, kanthi jero maksimal 280 m. Luwih saka 25 kali mili mlebu menyang tlaga iki. Tlaga iki uga nduwé 41 pulo. Sebagéyan pulo pedunungé padhet.

Asal jeneng Tlaga Titicaca ora diweruhi; wus dipertal dadi "Watu Puma" utawa uga minangka Curam Timah Ireng. Tlaga Titicaca nduwèni sapérangan jeneng setempat. Sisih kidul wétan tlaga nyambung karo tlaga utama déning selat Tiquina. Sisih kidul wétan tlaga cilik iku ditepungi minangka Tlaga Huinaymarca déning wong Bolivia, lan tlaga gedhé minangka tlaga Chucuito. Wong Peru uga nepungi tlaga cilik minangka tlaga Pequeño lan tlaga gedhé minangka tlaga Grande. Miturut crita sajarah, biyèn ana sawijining raja saka suku Indian Inca kang asmané Atahualpa sing nguwasani dhaérah sakiwatengené tlaga iku. Sawijining dina raja Atahualpa antuk pitedah saka déwa kanggo numpuk bandha (emas) kagungané karajané uga duwèkané rakyaté ing njero tlaga Titicaca. Raja Atahualpa yakin yèn panjenengané kudu nuruti titah kasebut. Mila raja nitahaké rakyaté kanggo nglumpukaké kabèh bandhané sing kagawé saka emas. Rakyat sing setya tuhu marang rajané tanpa kabotan nuruti titah kasebut, lan kanthi dipimpin déning raja banjur padha nyemplungaké bandha emasé ing tlaga Titicaca.

Sumber artikel punika saking kaca situs web: "http://jv.wikipedia.org/w/index.php?title=Tlaga_Titicaca&oldid=815393"