Tlaga Tanganyika

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tlaga Tanganyika saka foto udhara, Juni 1985

Tlaga Tanganyika iku tlaga sing wiyar ing Afrika tengah (3° 20' to 8° 48' LS lan 29° 5' to 31° 15' BT). Tlaga iki diprakirakaké arupa tlaga angka loro paling jero ing donya sawisé Tlaga Baikal ing Siberia.

Géografi[sunting | sunting sumber]

Tlaga iki ana ing Western Rift ing dhaérah Great Rift Valley lan dikupengi déning tembok pagunungan saka ngarai kasebut. Tlaga iki arupa tlaga ngarai paling gedhé lan paling jero ing Afrika utawa angka 2 paling jero ing donya sarta nyimpen cadhangan banyu tawar paling gadhé. Dawané watara 673 km ing arah Lor-Kidul lan ambané rata-rata 50 km. Tlaga iki nglingkupi wilayah sing wiyaré 32,900 km², kanthi dawa garis tepi 1,828km sarta kajeron rata-rata 570 m kanthi jeri maksimum 1,470 m (ing cekungan paling lor) nyimpen cadhangan banyu kanthi volume prakiran 18,900 km³. Suhu ing permukaané watara 25 °C lan duwé pH rata-rata 8,4.

Panggonané sing ana ing dhaérah tropis lan kajeroané sing gedhé banget nyegah dumadiné 'turnover' saka massa banyu, saéngga banyu sing ana ing bagéyan njero dadi apa sing ditepungi minangka 'banyu fosil' lan asifat anoksik (kurang oksigen). Wilayah tangkepan tlaga 231,000 km², kanthi 2 kali utama sing mili nuju tlaga lan sapérangan kali-kali lan ilènan sing luwih cilik lan siji ilènan metu sing utama yaiku Kali Lukuga.

Sumber banyu utama asalé saka Kali Ruzizi, mlebu ing sisih lor liwat Tlaga Kivu, lan Kali Malagarasi, sing arupa kali paling gedhé angka 2 ing Tanzania, mlebu liwat sisih wétan Tlaga Tanganyika.

Tlaga iki ana ing kawasan 4 negara – Burundi, Republik Demokratis Kongo (DRC), Tanzania lan Zambia, kanthi pambagéyan wilayah kanggo DRC (45%) lan Tanzania (41%) sing arupa bagéyan paling gedhé saka wilayah tlaga iki.

Biologi[sunting | sunting sumber]

Tlaga iki dienggoni watara 300 spesies iwak cichlid lan 150 spesies non-cichlid, sing sebagéyangedhé urip ing dhaérah zona benthic (saceraking dhasar tlaga). Biomassa iwak paling gedhé ana ing zona pelagic (banyu binuka) lan didhominasi déning enem spesies - loro spesies "Tanganyika sardine" lan papat spesies predator Lates (gegandhèngan nanging ora padha karo Perch Kali Nil sing wus musnahaké ciclids Tlaga Victoria).

Spesies liya sing ana ing tlaga kasebut upamané Tang cobra, lan ula banyu.

Indhustri[sunting | sunting sumber]

Asil tangkepan iwak nelayan ing tlaga iku arupa sumber protein utama kanggo pedunung lokal ing kéné. Kurang luwih ana 45 éwu wong sing terjun langsung minangka nelayan saka watara 800 titik panangkepan iwak. Asil tangkepan iki banjur dièkspor dhateng saindhenging Afrika Wétan. Panangkepan iwak komersial modhèrn diwiwiti saka pertengahan 1950-an lan ningkataké parolèhan tangkepan iwak sacara drastis. Sakwéné taun 1995 total tangkepan iwak gunggungé kurang luwih 180,000 ton.

Sajarah[sunting | sunting sumber]

Tlaga iki sepisanan ditemokaké déning panglana saka Eropah ing taun 1858 (Richard Burton lan John Speke) nalika nglakoni panjlajahan kanggo nggolèki tuk banyu Kali Nil. Speke nerusaké panggolèkan iki lan nemokaké sumber asliné yaiku Tlaga Victoria.

Pirsanana uga[sunting | sunting sumber]

Wikipedia
Artikel punika, artikel dhasar ingkang kedah dipundarbèni sadaya basa.
Sumber artikel punika saking kaca situs web: "http://jv.wikipedia.org/w/index.php?title=Tlaga_Tanganyika&oldid=815431"