Tlaga Sentani

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tlaga Sentani, Papua

Tlaga Sentani menika tlaga ingkang mapan wonten ing Papua Indonesia [1]. Tlaga Sentani menika wonten ing ngandhaping lèrèng Pagunungan Cagar Alam Cycloops kanthi wiyar kirang langkung 245.000 hektar. Tlaga menika kabentang ing tengahing kutha Jayapura dan Kabupatèn Jayapura, Papua kanthi wiyar kirang langkung 9.360 hektar lan wonten ing inggil 75 mdpl. Tlaga Sentani menika tlaga paling ageng ing Papua.

Tlaga Sentani kalebet Tlaga Vulkanik ingkang sumber toyanipun saking 14 lepen ageng lan alit kanthi satunggal muara kali, Jaifuri Puay. Ing sisih kulon Doyo dangu lan Boroway jeroning tlaga curam sanget. Lajeng ing sisih wetan lan tengah menika landai ugi dangkal, Puay lan Simporo. Wonten ing mriki ugi wonten wana rawa ing dhaérah Simporo lan Yoka [2].

Tlaga Sentani menika wiyaripun 9.360 ha kanthi jero rata-rata 24.3 meter. Wonten ing perairan ingkang cethek, tuwuh taneman pandan lan dagu. Ing sakiwa tengenipun tlaga menika wonten 24 kampung ingkang kasebar ing pesisit lan pulo-pulo alit ing tengahing tlaga. Tlaga Sentani menika kalebet tlaga paling ageng wonten ing Jayapura. Papan ingkang kagungan nilai sejarah menika tasih asri tasih wonten Bangau lan elang ingkang katingal nyamber iwak saking Tlaga Sentani [2].

Ing Tlaga Sentani wonten tugu Jendral Douglas Mc Arthur tilaran saking Perang Dunia II. Ing sisih lor monumen Mc Arthur ing nginggil 325 meter wonten dataran pagunungan Cyclop kanthi pucuk Gunung Dofonsoro.

Sajarah Tlaga Sentani[sunting | sunting sumber]

Wiwitaning Tlaga Sentani menika dipun-kisahaken saking tarian keeping ingkang dipunmainaken dening 40 tiyang kanthi busana khas Papua. Kanthi harta karun awujud gelang kristal ( Heba ) lan tigang wiji manik-manik wonten ing basa Suku Sentani dipunwastani Hawa, Hae lan Naro. Ondofolo (kepala suku) Walli lan kerabatipun Hoboy, mundhut toya ing panguwasa pagunungan Robonsolo (sakmenika Cycloop) anama Dobonay kanggé para warganipun. Ondoafi Wali lan Hoboi gesang wonten ing nginggiling bukit ingkang dipunsebut Yomokho ing Kampung Donday, Sentani. Ing mriku boten wonten toya minangka sumber panguripan, awit saking menika Ondofolo sesarengan kaliyan Hoboy minggah Gunung Robonsolo kanggé sowan dhateng Dobonai, penguasa toya kanthi mbekta harta karun kanggé mundhut toya.

Cathetan suku[sunting | sunting sumber]

  1. ^ [1], (id) http://www.trackpacking.com (dipun-akses tanggal 09 Desember 2012).
  2. ^ a b [2], (id) http://www.iftfishing.com (dipun-akses tanggal 19 November 2012).
Sumber artikel punika saking kaca situs web: "http://jv.wikipedia.org/w/index.php?title=Tlaga_Sentani&oldid=835487"