Tlaga Sarangan
| Tlaga Sarangan | |
|---|---|
 |
|
| Ana ing negara | Indonesia |
Tlaga Sarangan inggih menika salah satunggiling papan wisata arupi tlaga toya ingkang dumunung wonten ing sangandhaping Gunung Lawu,[1]ugi asring sinebut Tlaga Pasir. Tlaga Sarangan menika kalebet wonten ing wewengkon Kecamatan Plaosan,Kabupaten Magetan, Jawa Timur. [2]Leresipun inggih wonten ing sukunipun Gunung Lawu. Saking Magetan minggah ndeder kirang langkung 17 km. Menawi saking Tawang Mangu kirang langkung 15 km. Redinipun alus, menggak-menggok, sesawanganipun nengsemaken. Déné nginggilipunpun papan èndah menika kirang langkung 12.287 m saking lumahé segara.
Bab lan Paragraf |
Kawontenan [sunting]
Tlaga menika wiyaripun kirang langkung 30 hektar lan jeronipun 28 métér.[1] “Suhu udara” antawisipun 180 C-250 C.[1] Tlaga Sarangan saged narik kawigaténanipun para wisatawan ngantos atusan èwu saben taunipun. [1] Pramila pihak Dinas Pariwisata sajakipun sengkut mbudidaya amrih Tlaga sarangan saged katingal saya nengsemaken lan narik kawigatén.[1] Tlaga Sarangan ugi nggadahi acara saben taun, kadosta labuh sesaji saben Jum’at Pon wulan Ruwah, preinan sekolah ing tengah yaun, Ledug Sura 1 Muharram, lan Pesta kembang api ing malem warsa énggal.[1]
Sakupenging Tlaga [sunting]
Wonten ing sakupenging Tlaga sarangan menika wonten kathah papan panginepan.[2] Ugi wonten kios-kios ingkang sadéan manéka warni oleh-oleh utawi cindera mata. [2]Menawi ngersakaken pangunjung saged nitih jaran utawi praon ngubengi Telaga Sarangan menika.[3]
Fasilitas [sunting]
Wonten ing Tlaga Sarangan menika kathah fasilitas ing sampun dipun samaptakaken kadosta, warung makan, pasar wisata, panggenan parkir, mushola, lan taman.[4] Kuliner ingkang khasipun Telaga sarangan inggih menika Sate Truwèlu.[5]
Mangga pirsani [sunting]
Cathetan Suku [sunting]
- ^ a b c d e f kumpulan.info (diunduh tanggal 2 Maret 2011)
- ^ a b c Mardi Jawi dening Drs. Soetarno
- ^ Wisata Solo(diunduh tanggal 7 April 2011)
- ^ Dinas Pariwisata Solo(diunduh tanggal 7 April 2011)
- ^ Dinas Pariwisata Semarang(diunduh tanggal 7 April 2011)
