Tlaga Matano

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Senja di Danau Matano

Tlaga Matano menika satunggaling tlaga ingkang wonten ing Sulawesi Selatan, mliginipun wonten ing sisih kidul Pulo Sulawesi ing kutha Sorowako, Kabupaten Luwu Timur. Tlaga menika dipunubengi déning pagunungan Verbec ingkang winatesan kaliyan Provinsi Sulawesi Tengah lan Provinsi Sulawesi Tenggara [1]. Tlaga menika jeronipun 600 meter (1.969 kaki), 382 meter ing saknginggiling permukaan laut. Miturut WWF, tlaga menika tlaga paling jero ing Asia Tenggara saha paling jero nomor wolu ing donya[2].

Wonten ing Basa Dongi inggih menika basa asli Sorowako, Tlaga Matano ateges mata air. Amargi tlaga menika kadhapuk saking èwunan mata toya ingkang medal amargi gerakan tektonik ( lipatan lan tugelan kerak bumi ) ingkang kedadosan ing sekitar dhaérah litosfir. Miturut panalitèn, tlaga ingkang kedadosan awit saking bentukan alam ingkang wonten ing Sorowako menika kalebet langka ing donya. Amargi mbetahaken wekdal kirang langkung 4 juta taun supados lipatan lan tugelan kerak bumi menika kaisi toya lajeng dados tlaga. Tlaga ingkang kados mekaten menika ugi wonten ing Tlaga Laut Mati ing Lembah Jordan, Mesir lan Death Balley, Amerika Serikat [1].

Tlaga Matano menika mapan wonten ing pinggiran Sorowako ingkang wiyaripun dumugi 8.218,21 Ha. Sumber mata toya tlaga menika saking kolam kanthi ukuran 8 x 12 meter ing Désa Matano. Perangan pinggiran tlaga menika samenika dipundamel dados papan rekreasi kados Panté Ide, Panté Kupu-kupu, lan Panté Salonsa. Tlaga Matano menika kagungan panorama ingkang èeksotik, toya ingkang seger lan pemandangan pinggiran tlaga ingkang kathah wit-witan saéngga katingal asri lan éndah. Wonten ing Tlaga Matano menika ugi wonten sarana rekreasi ingkang dipunjangkepi kaliyan fasilitas kadosta kayak, banana boat, jet ski, kapal pesiar saha wonten papan kados gasebo, bungalow, restoran, taman kanggé dolanan laré, lan tasih kathah malih [3].

Kaunikan Tlaga Matano[sunting | sunting sumber]

Kejawi amargi wontenipun Tlaga Matano menika saking prastawa alam ingkang langka, tlaga menika ugi gadhah kaunikan sanèsipun. Kaunikan kasebut inggih menika Tlaga menika asipat isothermal ingkang ateges suhu toya ing permukaan lan suhu toya ing dhasaring tlaga menika béda kirang saking 2 derajad Celcius. Ing celakipun Desa Matano ingkang wonten ing sekitar tlaga menika wonten mata toya ingkang medal saking dhasaring tlaga. Ing Tlaga Matano kanthi jero 200 dumugi 300 meter wonten kolam iwak kanthi indikasi aliran gravitasi ing dhasaring tlaga. Kejawi menika kaunikan sanèsipun menika ing tlaga menika wonten flora lan fauna ingkang endemik ing Sorowako, dados boten saged dipunpanggihaken ing papan sanèsipun [1].

Cathetan suku[sunting | sunting sumber]

  1. ^ a b c [1](id) Keunikan Danau Matano ( dipun-akses tanggal 27 Desember 2012 )
  2. ^ WWF: "Central Sulawesi Lakes", WWF Global 200 Ecoregions, 2001
  3. ^ [2](id) Danau Matano ( dipun-akses tanggal 27 Desember 2012 )
Sumber artikel punika saking kaca situs web: "http://jv.wikipedia.org/w/index.php?title=Tlaga_Matano&oldid=835431"