Tiyang Cirebon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Logo Kota Cirebon
Orang/Etnis Cirebon
Populasi total
Sekitar 1,9 yuta (sensus 2000)[1]
Pedunung wigati ing
Jawa Barat
Basa

Bahasa Cirebon (termasuk dialek Jawareh, Plered, Gegesik, Ciwaringin, Pakaleran, Indramayu, Pamanukan), Bahasa Sunda dialek Cirebon, Bahasa Indonesia

Agama

Islam

Tiyang utawi Etnis Cirebon utawi Suku Bangsa Cirebon inggih punika kelompok etnis ingkang kasebar ing sakan kiringipun Kota Cirebon lan Kabupaten Cirebon, Kabupaten Indramayu, Kabupaten Majalengka sisih ler utawi biasa dipunsebut minangka Wilayah "Pakaleran", Kabupaten Kuningan sisih ler, Kabupaten Subang sisih ler wiwit saking Blanakan, Pamanukan, dumugi Pusakanagara lan saperangan Pesisir utara Kabupaten Karawang wiwit saking Pesisir Pedes dumugi Pesisir Cilamaya ing Provinsi Jawa Barat lan sakanan kiringipun Kec. Losari ing Kabupaten Brebes, Provinsi Jawa Tengah. Cacahipun antawis 1,9 yuta.[2] Masyarakat Suku Cirebon nganut agama Islam. Basa ingkang dipundituturaken dening tiyang Cirebon inggih punika gabungan saking Basa Jawa, Sunda, Arab lan China ingkang dipunwasatani minangka Basa Cirebon.

Pangakuan Suku Bangsa Piyambak[sunting | sunting sumber]

Nalika awal kawontenan Etnis utawi Tiyang Cirebon mesthi dipungayutaken kaliyan kawontenan suku Sundha lan Jawa, ananging lajeng eksistensinipun ngarah ing pembentukan budaya piyambak, wiwit saking ragam batik pesisir ingkang boten ndherekaken pakem keraton Jawa utawi biasa dipunsebut batik pedalaman dumugi wontenipun tradisi-tradisi kanthi corak islam sesarengan kaliyan dipunbangunipun kraton cirebon nalika abad ke 15 ingkang adhedhasar islam 100%. Eksistensi saking kawontenan suku utawi tiyang Cirebon ingkang nyebut piyambakipun sanes Suku Sundha uawi suku jawa pngkasan pikantuk jawaban saking sensus penduduk taun 2010 ing pundi sensus penduduk kasebut wonten kolom mligi kangge Suku bangsa Cirebon, bab punika ateges kawontenan suku bangsa Cirebon sampun dipunakoni kanthi nasional minangka sawijining suku piyambak.[3]

Indikator punika (Suku Bangsa Cirebon) dipuntingali saking basa daerah ingkang dipunginakaken dening warga Cirebon boten sami kaods dene basa Jawa utawi bas Sunda. Masyarakat Cirebon ugi gadhah identitas mligi ingkang damel raos bombonging manah minangka suku piyambak. Pitedah sanesipun ingkang nyirikaken tiyang minangka suku bangsa Cirebon inggih punika saking nama-namanipun ingkang boten kados tiyang Jawa utawi Sunda. Ananging dereng wonten panaliten ingkang langkung ingkang saged ngandharaken babagan karakteristik identik babagan suku bangsa Cirebon. Kangge madosi kesukuan sawijining tiyang, bab punika saged dipunrunut saking garis keturunan bapak kandungipun. Kejawi punika, menawi tiyang punika sampu kraos gadhah jiwa lan semangat daerah punika (daerah suku bangsa cirebon) saengga piyambakipun berhak rumaos minangka suku ingkang dipunmaksud.[4]

Basa[sunting | sunting sumber]

Rumiyin Basa Cirebon punika dipunginakaken wonten ing dedagangan ing pesisir Jawa Barat wiwit Cirebon ingkang minangka salah satunggaling pelabuhan utama, mliginipun nalika abad ke-15 dumugi abad ke-17[5]. Basa Cirebon dipunpangaruhi ugi deing budaya Sunda amargi kawontenananipun ingkang winatesan langsung kaliyan kabudayan Sunda, mliginipun Sunda Kuningan lan Sunda Majalengka lan ugi dipunpangaruhi dening Budaya China, Arab lan Eropa, bab punika kabuktikaken kanthi wontenipun tembung "Taocang (Kuncir)" ingkang minangka serapan China, tembung "Bakda (sabibaripun)" ingkang minangka serapan Basa Arab lan lajeng tembung "Sonder (Tanpa)" ingkang minangka serapan basa Eropa (Belanda). Basa Cirebon njagi bentuk-bentuk kuno basa Jawa kadosta ukara-ukara lan pangucapan, kados ingsun (kula) lan sira (panjenengan) ingkang sampun boten dipunginakaken malih dening basa Jawa Baku.[6]


Cathetan Suku[sunting | sunting sumber]

  1. ^ Indonesia's Population: Ethnicity and Religion in a Changing Political Landscape. Institute of Southeast Asian Studies. 2003.
  2. ^ [1]
  3. ^ [2]
  4. ^ [3]
  5. ^ [4]
  6. ^ [5]
Sumber artikel punika saking kaca situs web: "http://jv.wikipedia.org/w/index.php?title=Tiyang_Cirebon&oldid=836264"