Timbul Hadiprayitno

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ki Timbul Hadiprayitno
Timbul-186x300.jpg
Samak album wayang kulit Anggada Duta déning Ki Timbul Hadiprayitno
Lair 20 Mei 1934
Flag of Indonesia.svg Bagelèn, Kabupatèn Purwareja, Jawa Tengah
Pati 10 Mei 2011
Flag of Indonesia.svg Bantul, Kabupatèn Bantul, DIY
Pegawéyan Dhalang

Ki Timbul Hadiprayitno (lair ing Bagelèn, Kabupatèn Purwareja, Jawa Tengah, 20 Mei 1934 – tilar donya ing Bantul, Kabupatèn Bantul, DIY, 10 Mei 2011 kanthi umur76 taun) iku salah sawijining dhalang kondhang sing isih ngugemi pakem pedhalangan, khususé pedhalangan gagrag Ngayogjakarta.

Biografi[sunting | sunting sumber]

Dhalang kelairan Bagelèn, Purwareja iki mung lulus Sekolah Rakyat. Wiwit cilik Timbul seneng wayang. Dhèwèké meguru karo akèh dhalang, ing antarané yaiku Wiji Prayitno (bapaké Hadi Sugito), Kasmono, Gondo Margono, Bancak, lan Nartasabda.

Dhalang iki pinter ing sabetan, caturan, lan lakon. Sing paling asring yaiku lakon-lakon banjaran, yaiku lakon wayang sing nyritaaké lelakoné sawijining paraga seka lair nganti mati. Timbul uga salah sijiné dhalang sing bisa ngruwat.

Ing babagan sanggit (gawé lakon dhéwé), Ki Timbul wis gawé sawetara lakon, yaiku ing antarané Wahyu Harjadah, Wahyu Kembang Slombo, Wahyu Panca Purbo, lan Wahyu Mustika Haji.

Kapinterané ing pewayangan nurun marang putra-putrané. Ana enem sing dadi dhalang.