Tibetan Mastiff

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tibetan Mastiff
Negara asal Tibet
Pelindhung F.C.I.[1]
Katrangan
Dog (Canis lupus familiaris)

Tibetan Mastiff (Do-khyi) iku salah siji jenis asu kang urip ing Asia Tengah. Jaman biyen leluhure Tibetan Mastiff iku misuwur minangka dadi asu tukang jaga ing biyara-biyara ing Tibet. Saliyane iku uga asring digunakake minangka tukang jaga ing omah, panggon ternak utawa kandhang, lan ing caravan.[2]

Ing Amerika Lor, Tibetan mastiff digunakake minangka asu tukang jaga, angon, lan dadi kanca ing kulawarga. Lan ana kapercayan yen nenek moyange asu iki iku asu New Foundland, Great Pyrenees, Dogue de Bordeaux, Great Dane lan liya-liyane. Asu iki uga digolongake minangka asu ing keturunan kang langka. Tibetan Mastiff kira-kira wis urip wiwit 3000 taun ndisek.[2]

Wulu lan wernane[sunting | sunting sumber]

Tibetan Mastiff nduweni wulu kang rada dawa, kandel lan isa nahan ing kabeh usum. Werna wulu asu iki ana sing ireng, rada abang, kuning rada emas. Wulune kang tumpuk-tumpuk isa awet nganti setaun lan sing rontok mung sithik. Nanging ing wayah semi, wulune dadi gedhe. Suwe rontoke wulu isa nganti 8 minggu. Asu iki suwe anggone dadi dewasa, asu trah iki dianggep dewasa nalika umur 4-5 taun, sing wedok kira-kira 3-4 taun.[2]

Cathetan sikil[sunting | sunting sumber]

  1. ^ Fédération Cynologique Internationale Standard No. 230 of March 23, 2004, translated April 2, 2004, retrieved 2009-04-12 (Basa Inggris)
  2. ^ a b c (id)anjingkita.comTibetan Mastiff (diundhuh tanggal 24 Agustus 2011)
Sumber artikel punika saking kaca situs web: "http://jv.wikipedia.org/w/index.php?title=Tibetan_Mastiff&oldid=832321"