The Future Is Wild

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

The Future Is Wild (kerep dicekak dadi F.I.W.) iku sawijining acara TV awujud sérial dokumentèr weton Britania Raya sing ditayangaké kanggo kapisan ing taun 2003. Sérial iki yaiku kasil koproduksi saka Animal Planet, ORF (Austria) lan ZDF (Jerman). Program TV iki nganggo CGI (citra komputer) lan nudhuhaké kamungkinan kauripan ing Bumi ing mangsa ngarep. Miniseri iki dirilis mawa sawijining buku pangiring sing ditulis déning géologis Dougal Dixon, pangripta sawetara buku ngenani antroplogi/zoologi mangsa ngarep (kayata After Man: A Zoology of the Future), lan kerjasama karo produser TV sajarah ngalam John Adams.

Miniséri iki adhedhasar riset lan wawancara karo sawetara ngèlmuwan lan nudhuhaké kepriyé kauripan bisa évolusi ing mangsa ngarep menawa manungsa iku sirna. Miniséri iki cukup populèr, ing taun 2005, ana taman téma (theme park) adhedhasar acara iki ing Jepang. Banjur acara TV ing Discovery Channel ngenani dolanan komputer Spore ing taun 2008, uga diiringi karo tayangan acara iki.

Ékosistém[sunting | sunting sumber]

Ing acara TV iki jaman dipérang dadi telung kala lan rolas ékosistèm.

Mangsa limang yuta taun ing ngarep[sunting | sunting sumber]

Épisode iki nggambaraké satunggaling cara ndheleng donya sawisé jaman ès. Ing jaman iki, manuk-manuk segara raksesa urip ing tlatah pasisiran lan lawa-lawa karnivora nguwasani langit. Ing skénario iki, lapisan ès ambané ngidul nganti tekan Paris ing belahan bumi lor lan nganti tekan Buenos Aires ing belahan bumi kidul. Alas Amazon dadi garing lan saiki namung dadi ara-ara suket waé. Ara-ara suket ing Amérika Lor dadi ara-ara samun adhem. Afrika tabrakan karo Eropah lan nutup Sagara Tengah. Sagara Tengah dadi garing lan dadi ara-ara samun uyah mawa ing kono-kéné tlaga asin. Eropah sabagéyan gedhé dadi tundra beku.

Sawetara spesies hipotésis sing dibabar
  • Babookari
  • Ephydridae
  • Carakiller
  • Cryptile
  • Deathgleaner
  • Gannetwhale
  • Rattleback
  • Gryken
  • Scrofa
  • Shagrat
  • Snowstalker
  • Spink

Mangsa satus yuta taun ing ngarep[sunting | sunting sumber]

Ing jaman iki, yaiku 100 yuta taun ing ngarep, akèh lemah dharatan sing kabanjiran segara cethèk. Lemah sakiwa-tengené segara cethèk dadi tlatah rawa-rawa payo. Gurita padha urip ing dharat lan bulus dadi gedhé banget awaké. Bawana Antarktika dadi maju menyang dhaérah tropis kaya 300 yuta taun sadurungé. Saiki Antarktika dituwuhi akèh wit-witan kaya jaman mbiyèn.

Mangsa rong atus yuta taun ing ngarep[sunting | sunting sumber]

Donya ing 200 yuta taun ing ngarep iku lagi waé pulih saka kasirnan massal, sawisé jebluging gunung massal.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=The_Future_Is_Wild&oldid=830370"