Thābit ibn Qurra

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Thābit ibn Qurra

A modern artistic depiction of Thābit ibn Qurra
Jeneng pepak Thābit ibn Qurra
Lair 826 CE
Harran
Pati Februari 18, 901
Baghdad
Éra Islamic Golden Age
Kawigatèn utama Mathematics, Mechanics, Astronomy, Astrology, Translation, Number theory
Gagasan wigati

Al-Ṣābiʾ Thābit ibn Qurra al-Ḥarrānī (Basa Arab: ثابت بن قرة‎, Basa Latin: Thebit/Thebith/Tebit;[2] ingkang miyos ing taun 826 lan séda ing tanggal 18 Pebruari 901), inggih punika satunggaling ilmuwan matematika, fisika, astronom, lan ugi penerjemah wontn ing taun- taun emas Islam ingkang dumunung wonten ing Baghdad wonten ing tengahing abad kaping sanga. Thabit ibn Qurra inggih damel satunggaling asling temunan ingkang wigati kairing liring jaman inggih punika wonten ing bab aljabar, geometri, lan ugi astronomi. Wonten ing bidhang astronomi, Thabit medalaken salah satungaling asiling rekonstruksi ingkang sepisanan wonten ing sistem Ptolemaic, lan ing bidhang mekanik piyambakipun ingggih minangka tiyang ingkang manggihaken bab statik.[3]

Biografi[sunting | sunting sumber]

Thabit inggih miyos wonten ing Harran (ingkang dipunmangertosi minangka Carrhae wonten ing classical antiquity) ing Mesopotamia sisih inggil utawi ing Assyria (wonten ing dinten modheren ing Turki). Wonten ing layang ulemipun Muhammad bin Musa bin Shakir, salah satungglaing sedherek kakungipun Banu Musa, Thabit lajeng kesah kanggé sinau ing Baghdad wonten ing House of Eisdom. Piyambakipun inggih satunggaling ètnis tiyang Assyrian, pendhudhuk asli saking pamicara basa Syria / Aramaic,[4] lan punika kagunganipun Sabian Harran, satunggaling sèkté saking Hermetisme.[5] Déné ing sumber - sumber sanèsipun inggih nyuwun piyambakipun kanggé dados tiyang Mandaean.[6] Wontn ing kasus sanesipun, kekalih sekte ingkang wonten inggih ugi gadhah daya tarik ingkang ageng wonten ing bidhang astronomi, astrologi, lan matematika (mliginipun ing tiyang Mandaean).

Sabians inggih gesang wonten ing antawasipun pusat paling wigati saking pamarèntahanipun khalifah ngantos taun 1258, nalika tiyang Mongol mbubrahken kuilipun ingkang paling pungkasan. Ing salebeting pamarentahanipun tiyang Muslim, para kaum sanesipun inggih minangka kaum ingkang minor, lan ing sakiteripun al Mutawakkil, ing pamarentahanipun Haran lajeng saged dados papan punjering kangge nliti bab filsafat, esoteris, lan medis. Piyambakipun inggih bok bilih sampun kegabung kaliyan turunan saking sarjana Yunani ingkang kafir lan boten dipunparingi toleransi ing pamarentahanipun kaisar Byzantium, lajeng netep wonten ing siti ingkang dados bageyanipun saking khalifah Abbasiyah. Sasampunipun taun 750 Masehi, saperangan para penguaos Muslin lan para ulama kathah ingkang ketarik kaliyan elmu basa Yunani, lajeng sami ngoleksi lan damel terjemahan kanthah karya saking basa Yunani Kuno saking bab ngelmu filosofi lan matematika. Sanajan ta piyambakipun lajeng dados pamicara ing basa Arab, ing jaman pra Islam, lan punika inggih minangka perkawis ingkang sampun biyasa kangge para Sabian kangge micara mawi basa Yunani.

Thabit lan para murid- muridipun dumunung ing tengah- tengahing para intelektual ingkang ageng, lab bok bilih ingkang ugi minangka kitha ingkang paling ageng kanthi iliring wekdal, Baghdad. Piyambakipun lajeng pados padamelan ingkang langkung sibuk kangge nliti bab matematika, astronomi, astrologi, sihir, mekanik, obat-obatan, lan filsafat. Salajengipun ing gesangipun, ingkang nglindhungi Tabit inggih punika khaifah Al Mu'tadid (ingkang kekuasanipun saking taun 892 ngantos taun [[902]). Thabit lajeng dados kanca celakipun khalifah lan ugi dados punggawanipun khalifah. Thabit seda wonten ing Baghdad. Sasampunipun piyambakipun seda, nama sanesipun saking tiyang Sabean ingkang ugi dados misuwur inggih punika Abu Abdalah Mohammad bin Jabir [Al Battani]]. Thabit lan wayahipun, Ibrahim ibn Sinan ibn Thabit nyinaoni bab kurva ingkang dipunbetahaken kangge damel srengenge. Putranipun Thabit ingkang jaler inggih punika [Sinan ibn Thabit]] inggih punika dados satunggaling dhoter ingkang misuwur lan gadhah tanggel jawab kangge ngawasi sedaya griya sakit umum ingkang wonten ing Baghdad. Piyambakipun inggih ugi minangka anggota saking sekte Sabian.

Cathetan Suku[sunting | sunting sumber]

  1. ^ Panza, Marco (2008). "The Role of Algebraic Inferences in Na'īm Ibn Mūsā's Collection of Geometrical Propositions". Arabic Sciences and Philosophy (Cambridge University Press) 18 (2): 165–191. doi:10.1017/S0957423908000532.
  2. ^ Latham, J. D. (2003). "Review of Richard Lorch's 'Thabit ibn Qurran: On the Sector-Figure and Related Texts'". Journal of Semitic Studies (Oxford University Press) 48 (2): 401–403. doi:10.1093/jss/48.2.401.
  3. ^ Holme, Audun (2010). Geometry : our cultural heritage (2nd ed.). Heidelberg: Springer. p. 188. ISBN 3-642-14440-3.
  4. ^ John J. O'Connor lan Edmund F. Robertson. Al-Sabi Thabit ibn Qurra al-Harrani ing MacTutor archive.
  5. ^ (Churton p. 27)
  6. ^ http://www.mandaeanunion.org/History/EN_History_009.htm
Sumber artikel punika saking kaca situs web: "http://jv.wikipedia.org/w/index.php?title=Thābit_ibn_Qurra&oldid=837034"