Tetanduran wiji kabukak

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gymnospermae
Klasifikasi èlmiah
krajan: Plantae
Divisio


Pinophyta -Tetanduran runjung
Ginkgophyta - ginkgo
Cycadophyta - Pakis haji lan kerabaté
GnetophytaMlinjo lan kerabaté

Gymnospermae (saka basa Yunani: gymnos (wudo) lan sperma (wiji) utawa tetanduran wiji kabuka arupa klompok tetanduran wiji sing wijiné ora kalindhung déning bakal woh (ovarium). Saka tetanduran ngembang (Angiospermae, utawa Magnoliophyta), wiji utawa bakal wiji mesthi kalindhungi penuh déning bakal woh saéngga ora katon saka njaba. Ing Gymnospermae, wiji kaèkspos langsung utawa ana ing antarané godhong-godhong panyusun strobilus utawa runjung. Ing mlinjo contoné, "pêntil"é (yaiku wijiné) wiwit saka "kroto" nganti mlinjo mateng bisa dideleng, sauntara ing tusam wiji ana ing runjungé.

Gymnospermae wis urip ing bumi wiwit periode Devon (410-360 yuta taun kepungkur), sadurungé éra dinosaurus. Ing wektu iku, Gymnospermae akèh diwakili déning klompok sing saiki wis punah lan dadi batu bara: Pteridospermophyta (paku wiji), Bennettophyta lan Cordaitophyta. Anggota-anggotan liyané bisa nerusaké keturunané nganti saiki. Angiospermae sing ditemoni saiki dianggep minangka panerus saka salah sawijining klompok Gymnospermae purba sing wis punah (paku wiji).

Panglompokan[sunting | sunting sumber]

Jroning klasifikasi tetanduran modhèrn, Gymnospermae ora duwé status taksonomi amarga akèh pituduh yèn tetanduran ngembang (Angiospermae, tetanduran wiji katutup) iku keturunan saka salah siji tetanduran wiji kabukak. Pamisahan antarané tetanduran wiji kabukak karo wiji katutup bakal njalari pamisahan sing parafiletik.

Gymnospermae nyakup telung divisio sing wis punah lan patang divisio sing isih tetep lestari: