Terubuk

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Terubuk
Klasifikasi èlmiah
krajan: Animalia
filum: Chordata
kelas: Actinopterygii
ordo: Clupeiformes
kulawarga: Clupeidae
Genus: Tenualosa
Species: T. toli
Jeneng binomial
Tenualosa toli
(Valenciennes, 1847)

Terubuk utawi Tenualosa macrura menika satunggaling iwak laut ingkang nyebaripun winatesan sanget ing perairan estuarin ing wilayah Pulo Bengkalis Riau. Ulam terubuk menika kagungan sifat hermafrodit proandri bilih sedaya siklus gesangipun dipunlampahi kirang langkung 2 taun (18 wulan). Wonten ing taun kapisan gesanging ulam terubuk dipunlampahi minangka ulam jantan dipunwastani pias. Lajeng menawi taun kaping pindho gantos dados ulam betina dipunwastani terubuk. Pemijahan ulam terubuk saben taun ing sekitar muara lèpèn Siak [1]. Ulam terubuk menika dados simbol dhaerah kanggé kabupatèn Bengkalis [2].

Morfologi[sunting | sunting sumber]

Dawanipun ulam terubuk menika 110-345 mm. Ulam terubuk ingkang jantan kagungan ukuran 110-210 mm, lajeng ingkang betina 100-340 mm. Ananging cacahing ulam betina langkung sekedhik tinimbang ulam terubuk ingkang jantan. Umur ulam terubuk kirang langkung 135-540 dinten. Fekunditas ulam menika antawisipun 30.000 dumugi 375.000 butir endog kanthi dawa ulam 225 mm dumugi 345 mm. Fekunditas endog ulam menika langlung alit bilih dipuntandingaken kaliyan ulam terubuk ingkang wonten ing Serawak, Malaysia (T.toli) kanthi jumlah fekunditas dumugi 1,2 juta [1].

Ulam terubuk menika ulam ingkang mangan jinis tuwuhan, plankton cacing, moluska, crustacea, branchyura, serbuk gergaji lan sanèsipun. Populasi ulam terubuk sakmenika mangandhap amargi dipunburu terus-terusan [1].

Populasi[sunting | sunting sumber]

Ulam terubuk menika saged dipunpanggihaken wonten ing panté. Jinis spesies ulam terubuk ingkang wonten ing donya inggih menika kados ingkang wonten ing ngandhap menika :

Ulam terubuk kagolong ulam tropis ( Tenualosa macrura ) ingkang sadèrèngipun kapanggihaken ing sedaya dhaérah estuaria lan perairan panté Sumatra lan Kalimantan ingkang kalebet dhaérah basis pangembangan ulam. Satunggaling dhaérah ingkang ingkang sakmenika tasih saged manggihaken ulam terubuk inggih menika wonten ing perairan Bengkalis, Propinsi Riau. Ekosistem Kabupatèn Bengkalis piyambak ing wana dataran andhap, rawa gambut, wana panté, wana mangrove, lan estuaria.

Nilai jual ingkang ageng saking ulam terubuk menika sanès wonten ing ulamipun, ananging wonten ing ednogipun ingkang kawéntar échonipun. Kabupatèn Bengkalis ingkang kagungan habitat ulam terubuk paling ageng menika kawéntar kanthi sebutan Kota Terubuk amargi kathah tiyang ingkang pados masakan endog menika ing kutha Bengkalis.

Cathetan suku[sunting | sunting sumber]

  1. ^ a b c [1], (id) http://www.iftfishing.com (dipun-akses tanggal 16 November 2012).
  2. ^ [2], Riau terkini(dipun-akses tanggal 16 November 2012).
Sumber artikel punika saking kaca situs web: "http://jv.wikipedia.org/w/index.php?title=Terubuk&oldid=835343"