Tempo (kalawarti)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
TEMPO

Kalawarti TEMPO
Kategori Aktualitas, Pulitik
Frekuènsi Minggon
Oplah 300.000 (2010)[1]
Penerbit PT Tempo Inti Media Tbk,
Pisanan kababar 6 Maret 1971[2]
Negara Indonésia
Markas Jakarta
Basa Basa Indonesia
Situs web majalah.tempo.co.
ISSN 0126-4273

Tempo iku sawijining kalawarti pawarta minggon Indonésia sing umumé ngliput warta lan pulitik. Tempo arupa kalawarti pisanan sing ora duwé afiliasi karo pamaréntah. Tempo diterbitaké déning PT Tempo Inti Media Tbk.

Èdhisi sepisanan Tempo diterbitaké nalika tanggal 6 Maret 1971 kanthi Goenawan Mohamad minangka Pamimpin Rédhaksi. Terbité Tempo kasebut ora bisa uwal saka peran Harjoko Trisnadi, Fikri Jufri, Lukman Setiawan, lan Bur Rasuanto sing banjur dianggep minangka "pangadeg".[3] Kalawarti iki tau dilarang déning pamaréntah nalika taun 1982 lan 21 Juni 1994[4] lan di dol manèh nalika tanggal 6 Oktober 1998. Tempo uga nerbitaké kalawarti èdhisi basa Inggris wiwit 12 September 2000 sing jenengé Tempo English Edition lan nalika tanggal 2 April 2001 Tempo uga nerbitaké Koran Tempo[4].

Palarangan terbit kalawarti Tempo taun 1994 (bebarengan karo Kalawarti Editor lan Tabloid Detik, ora tau cetha panyebabé. Nanging akèh wong yakin yèn Mentri Panerangan wektu iku, Harmoko, nyabut Layang Idin Usaha Panerbitan Pers (SIUPP) Tempo amarga lapuran kalawarti iki babagan impor kapal perang saka Jerman. Lapuran iki dianggep mbebayani "stabilitas negara". Lapuran utama mbahas kabotan pihak militèr marang impor déning Menristek B.J. Habibie. Saklompok wartawan sing cuwa marang sikap Persatuan Wartawan Indonesia (PWI) sing nyarujuki pambrèdhèlan Tempo, Editor, lan Detik, banjur madegaké Aliansi Jurnalis Independen (AJI).

Réferènsi[sunting | sunting sumber]

  1. ^ ., Prayudi. Textual Analysis of Tempo News Magazine Representation of Terrorism. Jurnal Ilmu Komunikasi Terakreditasi, 8 (1). (2010):41.
  2. ^ Halaman Korporat Majalah Berita Mingguan Tempo
  3. ^ Steele, Janet E. 2005. Wars within: the story of Tempo, an independent magazine in Soeharto's Indonesia. Jakarta: Equinox Pub. h.89
  4. ^ a b Laporan Tahunan PT Tempo Inti Media Tbk. 2010

Buku[sunting | sunting sumber]

  • Wars Within: The Story of Tempo, an Independent Magazine in Soeharto’s Indonesia, Equinox Publishing dan ISEAS, Janet Steele.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Tempo_(kalawarti)&oldid=859708"