Tari Kuda Lumping

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tari Kuda Lumping

Tari Kuda lumping ugi dipunsebut jaran kepang utawi jathilan inggih punika tarian tradisional Jawa ingkang nampilaken sekelompok prajurit nalika nunggang turangga. Tarian punika migunakaken jaran ingkang kadamel saking pring ingkang dipunanyam lan dikethok kados bentuk jaran.[1] Anyaman jaran punika lajeng dipun hias kanthi cat lan kain ingkang manéka werni. Tarian kuda lumping biasanipun namung nampilaken adhegan prajurit kanthi jaran, ananging wonten ing pinten-pinten wilayah nyuguhaken atraksi kesurupan[2], kekebalan, lan kekiyatan magis, kadosta atraksi mangan beling lan kekebalan badan tumrap pecut. Jaran Képang minangka pérangan saking pagelaran tari reog[3]. Éwadéné tarian punika asalipun saking tlatah Jawa,Indonesia,[4] tarian punika ugi dipun warisaken déning tiyang Jawa ingkang papan dunungipun wonten ing Sumatera Utara lan ing pinten-pinten tlatah ing njawi rangkah Indonesia kadosta ing Malaysia.

Kuda lumping inggih punika seni tari ingkang dipunmainaken kanthi properti awujud kuda tiruan, ingkang kadamel saking anyaman pring utawi kepang. Boten wonten satunggal sajarah ingkang saged ngandharaken asal muasalipun tarian punika, namung riwayat verbal ingkang dipunturunaken saking setunggal generasi dhumateng generasi salajengipun.

Sajarah[sunting | sunting sumber]

Konon, tari kuda lumping minangka bentuk apresiasi lan dukungan rakyat jelata tumraping pasukan berkuda Pangeran Diponegoro nalika ngadhepi penjajah Belanda. Wonten ugi versi ingkang nyebutaken, bilih tari kuda lumping nggambaraken sawijining kisah perjuangan Raden Patah, ingkang dipunsengkuyung dening Sunan Kalijaga, nglawan penjajah Belanda. Versi sanes nyebataken bilih, tarian punika nyariosaken babagan latihan perang pasukan Mataram ingkang dipunpandegani dening Sultan Hamengku Buwono I, Raja Mataram, saperlu ngadhepi pasukan Belanda.

Medal saking asal usul lan nilai historisipun, tari kuda lumping merefleksikaken semangat heroisme lan aspek kemiliteran sawijining pasukan berkuda utawi kavaleri. Bab punika katingal saking gerakan-gerakan ritmis, dinamis, lan agresif, saking anyaman pring, ingkang niru gerakan kados dene jaran ing tengah paprangan.

Asring sanget wonten ing pertunjukkan tari kuda lumping, ugi nedahaken atraksi ingkang nontonaken kekiyatan supranatural berbau magis, kados dene atraksi mangan kaca, menyayat lengen kaliyan golok, ngobong badan, mlampah ing sanginggilipun ecahan kaca lan sanes-sanesipun. Mbok menawi, atraksi punika nggambaraken kekiyatan supranatural ingkang nalika jaman rumiyin ngrembaka ing lingkungan Kerajaan Jawa, lan minangka aspek non militer ingkang dipun angge saperlu nglawan pasukan Belanda.


Cathetan Suku[sunting | sunting sumber]

  1. ^ [1](dipunundhuh tanggal 20 Desember 2012)
  2. ^ [2](dipunundhuh tanggal 20 Desember 2012)
  3. ^ [3](dipunundhuh tanggal 20 Desember 2012)
  4. ^ [4](dipunundhuh tanggal 20 Desember 2012)
Sumber artikel punika saking kaca situs web: "http://jv.wikipedia.org/w/index.php?title=Tari_Kuda_Lumping&oldid=869203"