Tari Janger

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tari Janger ing Bali

Tari Janger inggih punika salah satunggaling tari Bali ingkang paling misuwur.[1] Dipunciptakaken ing taun 1930-an, Janger inggih punika tari pergaulan pemuda utawi muda mudi ing Bali. Tari punika dipun bektakaken déning 10 penari ingkang berpasangan, inggih punika kelompok putri (janger) lan putra (kecak).[2] Para penari nari sinambi nyekaraken Tembang Janger kanthi saut-sautan.[2]

Gerakan Janger sederhana ananging regeng lan greget.[1] Musik ingkang dados latar belakang tari inggih punika Gamelan Batel utawi Tetamburan lan gender wayang.[2]

Sajarah lan perkembangan[sunting | sunting sumber]

Minangka jinis tari kreasi ingkang langkung énggal, Janger dipunadaptasikaken saking aktivitas para petani ingkang suka panglipur dhiri amargi sayah anggénipun kerja.[3] Cakepan tembangipun dipunadaptasikaken saking nyanyian Sanghyang, sawijining tarian ritual.[2] Menawi dipun kategorikaken ing Tari Bali, Janger kalebet Tari Balih-balihan, tarian ingkang ngregengaken upacara punapa déné saperlu paring panglipur.[3]

Amargi kondhangipun, nalika taun 1960-an, Janger wiwit dipunpentasaken ing kegiatan manéka partai politik, boten ketinggalan PKI.[3] Kelompok-kelompok tari Janger nyengkuyung Konfrontasi Indonesia-Malaysia utawi kampanye pemutusan hubungan RI kaliyan Malaysia ing taun 1963.[3] Presiden Soekarno paring kathah kawigatosan tumraping tari punika, salah satunggalipun kanthi mbekta penari-penari Janger pentas ing Istana Tampaksiring.[3] Sabibaring prastawa G30S/PKI, kathah seniman janger ingkang dipun anggep berpihak dhumateng PKI dipun tumpes..[3] Masa punika minangka periode kejatuhan Tari Janger.[3] Tembe ing taun 1970-an, popularitasipun wangsul malih.[3]

Ing perkembanganipun, sakmenika Janger ugi saged dipun bektakaken dening tiyang dewasa.[3] Wonten kelompok-kelompok tari ingkang anggotanipun wanita dewasa ingkang gadhah peran minangka janger punapa dene kecak.[3] Janger ugi dipun bektakaken ing bentuk drama tari ingkang dipun sebut Janger Berkisah.[3] Kisah-kisah ingkang dipun pentasaken antawisipun Arjuna Wiwaha, Sunda Upasunda lan sanesipun.[2]

Antawis puluhan taun, Janger sampun dipun ajaraken dhumateng para pemuda pemudi ing Bali.[1] Dangu-dangu, tari punika dados papan kenalan pemuda desa setunggal lan sanesipun.[1] Amargi berkembang ing komunitas piyambak-piyambak, medal varian ingkang dipunbumboni kanthi gaya piyambak.[2]

Pamarentah daerah Bali ndherek mempopuleraken Janger minangka tari pambuka ing maneka kegiyatan lan adicara, kadosta program Keluarga Berencana, pemilihan umum, kesehatan tumrap lansia[4], dumugi kampanye anti narkoba.[1]

Kejawi saking gerak tarian, lagu Janger mbok menawi langkung misuwur ing njawi tlatah Bali. Tembang Janger kathaah dipun kenal amargi asring dipun sekaraken dening tim Indonesia ing kejuaraan paduan suara internasional.[5]

Varian[sunting | sunting sumber]

  • Janger saking Tabanan. Ing Janger saking daerah punika, wonten Dag, tokoh kanthi rasukan tentara Belanda ingkang tugasipun maringi aba-aba dhumateng penari.[2]
  • Janger saking Desa Metra, Bangli, dipunpentaskan kanthi ritual kesurupan ing pungkasanipun.[2] Janger jinis punika sipun sukani nama Janger Maborbor, para penarinipun ingkang kesurupan nari sinambi ngidak mawa geni.[3]
  • Janger saking Desa Sibang, Badung, dipun sebut ugi Janger Gong amargi dipun iringi kaliyan Gamelan Gong Kebyar.[2]
  • Janger saking Desa Bulian, Buleleng, mliginipun dipunpentasaken dipentaskan dening warga desa ingkang ngalami tunawicara.[6]

Wonten sekaa (organisasi pemuda) ingkang mligi mentasaken Janger, antawisipun Janger Kedaton (Denpasar) lan Janger Singapadu (Gianyar).[2]

Cathetan Suku[sunting | sunting sumber]

  1. ^ a b c d e (en)Japanese 'Janger' dancers set to win hearts,jakartapost. Akses:18-12-2012.
  2. ^ a b c d e f g h i j (id)Janger,babadbali. Akses:18-12-2012.
  3. ^ a b c d e f g h i j k l (id)Janger Bergirang Ceria Pasca Trauma G30S/PKI,isi-dps.ac.id. Akses:18-12-2012.
  4. ^ (en)Senior citizens deserve more attention,babadbali. Akses:18-12-2012.
  5. ^ (en)Usung Folklore, UMY ikuti paduan suara tingkat nasional,umy.ac.id. Akses:18-12-2012.
  6. ^ (id)Tari Janger, Tari Pergaulan Muda Mudi,tanah-bali. Akses:16-12-2011.
Sumber artikel punika saking kaca situs web: "http://jv.wikipedia.org/w/index.php?title=Tari_Janger&oldid=835624"