Tanah Lot

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pura Tanah Lot

Tanah Lot yaiku salah sawijiné objek wisata ing Pulo Bali, Indonésia.[1] Ing Tanah Lot ana pura kang cacahé loro.[1] Pura iki manggon ing sandhuwuré watu gedhé.[1] Pura kang sepisanan manggon ing sandhuwuré watu gedhé lan pura sing sijiné ana ing sandhuwuré tebing kang mirip kaya Pura Uluwatu.[1] Pura Tanah Lot iki kalebu bagéyan saka pura Dang Kahyangan.[1] Pura Tanah Lot iku pura segara kang dadi panggonan kanggo muja lan nyembah dèwa-dèwa kang njaga laut.[1]


Legenda[sunting | sunting sumber]

Miturut legenda, pura iki dibangun karo salah sawijiné brahmana kang asalé saka Jawa. Dhéwéké yaiku Danghyang Nirartha kang bisa nguwataké kapitayan pandhudhuk Bali ngenani ajaran Hindu lan mbangun Sad Kahyangan iku nalika abad kaping 16. Nalika iku kang nguwasani Tanah Lot yaiku Bendesa Beraben,nduwéni rasa iri karo brahmana iku Dhéwéké iri amarga akéh anak buahé kang ninggalaké ajarané lan melu Danghyang Nirartha.Bendesa Beraben ngongkon Danghyang Nirartha supaya ninggalaké Tanah Lot.Dhéwéké nyanggupi ananging sadurungé ninggalaké Tanah Lot dhéwéké kanhti kakuwatané mindhahaké watu ing tengah panté dudu ing tengah segara.Dhéwéké banjur mbangun pura ing kono. Dhéwéké uga bisa ngowahi sléndhangé dadi ula kang bakalé njaga pura.Ula iki isih ana nganti saiki lan miturut ilmu kang ilmiah ula iki kalebu jinis ula laut kang nduwéni ciri-ciri buntuté kang trépés kaya iwak.Ula laut iki wernané ireng lan rada belang-belang kuning.Ula laut iki uga nduwéni racun kang kakuwatané kaping telu luwih kuwat tinimbang ula cobra, Ing akhir legenda diterangaké yèn Bendesa Beraben akhiré dadi anak buahé Danghyang Nirartha.

Panggonan[sunting | sunting sumber]

Obyek wisata tanah lot manggon ing Dèsa Beraban Kecamatan Kediri Kabupaten Tabanan, kurang luwih 13 km barat Tabanan. [2] Ing sebelah lor Pura Tanah Lot ana pura kang manggon ing sandhuwuré tebing kang rada menjorok ing segara.[2] Tebing iki ngubungaké pura lan dharatan.[2] Tebing iki bentuké kaya jembatan kang melengkung. [2] Tanah Lot dikenal dadi panggonan kang éndah kanggo ndeleng srengéngé kang ambles utawa biyasané diarani sunset.[2] Akéh turis kang wisata ing Tanah Lot nalika wis soré kanggo ndeleng sunset ing kéné.[2]

Cathetan suku[sunting | sunting sumber]

  1. ^ a b c d e f (id)Sunset di Tanah Lot teamtouring.net(dipunundhuh tanggal 29 Juni 2011)
  2. ^ Kaluputan sitat (pangutipan) Tag <ref> ora absah; ora ditemokaké tèks kanggo ref mawa jeneng internet2
Commons-logo.svg
Wikimedia Commons gadhah galeri bab:

Wikivoyage   Pirsani pandhuan wisata Tanah Lot ing Wikivoyage

Sumber artikel punika saking kaca situs web: "http://jv.wikipedia.org/w/index.php?title=Tanah_Lot&oldid=830839"