Taman Putroe Phang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunongan
Kandang Taman Ghairah

Taman Putroe Phang inggih menika satunggalipun taman ingkang dipunwangun déning Sultan Iskandar Muda (1608-1636[1], dunungipun wonten ing wewengkon kompleks Istana Sultan Acèh ing Kutha Banda Acèh.[2][1] Taman menika dipundamel kanggé sang permaisuri Sultan Iskandar Muda ingkang asmanipun Putroe Phang ingkang tegesipun Putri Pahang, Putri Pahang asalipun saking wewengkon Pahang, ing negari Malaysia.[2]

Wonten ing salebetipun Taman Putroe Phang wonten pintoe khop ingkang kalebet satunggalipun lawang ingkang nyambungaken istana kaliyan Taman Putroe Phang ingkang wujudipun kubah.[2] Pintoe Khop menika kalebet satunggalipun papan kanggé istirahat Putri Phang. Ing mriki dayang-dayang masuh rikmanipun sang permaisuri.[2] Wonten ing mriki ugi wonten kolam kanggé sang permaisuri keramas lan siram kembang.[2] Pintoe Khop Putroe dipunwangun nalika wekdal panguwaosipun sultan Iskandar Muda, Pintoe Khop menika lawang penghubung istana kaliyan Taman Putroe Phang.[2] Ing Taman Putroe Phang wonten satunggalipun wangunan unik, ingkang namanipun Gunongan.[2] Gunongan kasebat dipundamel mèmper kaliyan paredèn-paredèn ingkang wonten ing Pahang, Malaysia.[2] Wangunan menika dipundamel amargi panyuwunipun sang Permaisuri piyambak, ingkang tansah ngraos kapang kaliyan kampungipun, Pahang ingkang dhaérahipun menika kathah siti awujud paredèn.[2]

Cathetan Suku[sunting | sunting sumber]

  1. ^ a b (id)Taman Putroe Phang dipunundhuh tanggal 10 September 2011)
  2. ^ a b c d e f g h i (id)[Suhada, Ichsan (lan kanca-kanca). 2009. Pesona Indonesia; Pariwisata, Budaya dan Sosial (Lebih Dekat Mengenal Pulau Sumatra. Surabaya:Bintang Ilmu;kaca 69-70]

Pranala Njawi[sunting | sunting sumber]

(id)Taman Putroe Phang

Logo Wikimedia Commons
Pirsani galeri bab Taman Putroe Phang ing Wikimedia Commons.

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Taman_Putroe_Phang&oldid=879953"