Taman Pintar

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Taman Pintar Yogyakarta

Taman Pintar Yogyakarta menika wahana wisata ingkang wonten ing pusat kutha Yogyakarta mliginipun wonten mergi Panembahan Senopati No. 1-3, Yogyakarta. Inggih menika papan pariwisata énggal kanggé laré-laré minangka wahana èksprèsi, aprésiasi, lan kréasi kanthi suwasana ingkang ngremenaken. Amargi Taman Pintar menika gadhah motto mencerdaskan dan menyenangkan.

Taman Pintar menika dipunbangun wonten ing tahun 2003, lan gadhah gegayuhan bilih papan menika kanggé ngembangaken minat laré saha generasi enèm dhumateng sains kanthi imajinasi, uji coba, lan dolanan.

Taman Pintar menika ugi gadhah gegayuhan badhé mujudaken salah satunggaling ajaran saking Ki Hajar Dewantara inggih menika : Nitèni, Nirokaké, lan nambahi.

Zonasi Taman Pintar[sunting | sunting sumber]

  • Playground inggih menika papan kanggé publik (umum) kanthi dhaérah kanggé sambutan lan dolanan kanggé para rawuh. Wonten ing papan menika wonten wahana kanggé dolanan para laré kadosta : pipa bercerita, parabola berbisik, Rumah Pohon, Air Menari, Koridor Air, Desaku Permai, Spektrum Warna Dinding Berdendang, 'Sistem Katrol', Jembatan Goyang, Jungkat-jungkit, 'Istana Pasir, Engklek, lan Forum Batu.
  • Gedung Heritage : papan menika kanggé Pendidikan Anak Usia Dini ((PAUD)) inggih menika laré pra-sekolah dumugi TK.
  • Gedung oval : Gedung menika wonten 3 lantai inggih menika kapisan zona kanggé njangkepi Taman Pintar antawisipun ruang kangge pameran, ruang audiovisual, Radio Anak Jogja, food court utawi papan kangge dedhaharan, lan pusat souvenir (oleh-oleh). saklajengipun lantai kalih menika zona materi dasar lan penerapan iptek inggih menika Indonesiaku, teknologi populer, teknologi canggih, lan perpustakaan. Bilih lantai tiga menika wonten laboratorium sains, animasi lan TV, saha courses class [1] .

Sejarah Taman Pintar[sunting | sunting sumber]

Awit saking kadadean pangembangan sains ingkang ageng nalika taun 90-an mliginipun babagan tekonologi Informasi, Pemerintah Kota Yogyakarta paring ide babagan mbangun Taman Pintar. Dipusebut Taman Pintar amagi wonten ing papan menika para siswa saking pra sekolah dumugi SMA saged nambah wawasan babagan materi-materi pelajaran ingkang sampun katampi wonten ing bangku sekolah saha rekreasi.

Bangunan Taman Pintar menika wonten ing eks kawasan Shoping Center kanthi tetimbangan tetep wontening gegayutan antawisipun Taman Pintar kaliyan fungsi lan kegiatan bangunan ingkang wonten ing sakiwa tengenipun kados Taman Budaya Yogyakarta, Benteng Vredeburg, Socitiet Militer, lan Gedung Agung [2] .

Cathetan Suku[sunting | sunting sumber]

  1. ^ [1], Taman Pintar Yogyakarta (dipun-akses tanggal 21 Oktober 2012).
  2. ^ [2], Sejarah Taman Pintar (dipun-akses tanggal 30 Oktober 2012).
Sumber artikel punika saking kaca situs web: "http://jv.wikipedia.org/w/index.php?title=Taman_Pintar&oldid=860034"