Tabi'in
|
Tabi'in iku artiné "sing mèlu." Ing sajarah Islam, tabi'in iku dipatrapaké marang muslim sing ana ing awaling Islam, tau nemoni Sahabat Nabi lan mating ing dalem kahanan Islam. Racake Tabi'in ora ngalami jaman Nabi Muhammad, lan saperangan ono uga kang nunggal sejaman karo Nabi nanging blas durung tau ketemu Nabi kayata Raja Najasy lan Uwais Al-Qarni. Yuswané akeh-akehe luwih anom tinimbang Sahabat Nabi lan ana kalané isih timur utawa bocah nalika Sahabat-Sahabat mau isih sugeng.
Cacahe tabi'in akeh banget lan ora kaetung amarga cacahe wong muslim kang nate ketemu maewu-ewu sahabat temtu luwih akeh maneh.
Hadis kariwayatake para tabi'in saka para sahabat Nabi. Saka cacahe hadis kang kariwayatake, tabi'in kagolongake dadi telu, yaiku Tabi’in kubro yaiku wong kang akeh ngriwayatake hadis langsung saka sahabat. Contone : Sa’id ibn Musayyib, ‘Urwah bin Zubair, dan ‘Alqamah bin Qois.
Tabi’in sughro yaiku tabi'in kang akeh ngriwayatake hadits saka tabi’in liyane nanging mung bisa nemoni sahabat kang cacahe ora akeh. Contone : Ibrohim An Nakho’i, Abu Aznadi, Yahya ibn Sa’id. Tabi’in wustho yaiku tabi'in kang akeh ngriwayatake saka akeh sahabat lan uga kibar tabi’in. Contone : Hasan Al-Basri (ing Tanah Jawa katelah Kasan Besari), Muhammad ibn Sirin, Mujahid ibn ‘Ikrimah, Qotadah, As Sya’bi, Az-Zuhri, ‘Atha, ‘Umar bin Abdul Aziz, Salim ibn ‘Abdullah ibn ‘Umar ‘ibn Khattab.
Tabi'in uga sinebut para murid Sahabat Nabi.
Tokoh-tokoh Tabi'in[sunting]
- Uwais Al-Qarniy
- Said bin Al-Musayyib
- Urwah bin Az-Zubair
- Saalim bin Abdillah bin Umar
- Ubaidillah bin Abdillah bin Utbah bin Mas'ud
- Muhammad bin Al-Hanafiyah
- Ali bin Al-Hasan Zainal Abidin
- Al-Qaasim bin Muhammad bin Abi Bakar Ash-Shiddiq
- Hasan Al-Basri
- Muhammad bin Sirin
- Abu Hanifah Umar bin Abdul Aziz
- Muhammad bin Syihab Az-Zuhriy.
Ganyong pirembagan 26 Juli 2012 06.52 (UTC)
