Taékwondho
| Taékwondho | |
|---|---|
 Pertandhingan Taékwondho kanthi regulasi WTF |
|
| Nama sanés | Taekwon-Do, Tae Kwon-Do, Tae Kwon Do |
| Fokus | Kicking/Tendhangan |
| Saking negeri |  Korea |
| Olahraga Olimpiade | awit taun 2000 (kanthi regulasi/aturan WTF) |
| Taékwondho | ||||||||
|---|---|---|---|---|---|---|---|---|
|
Taékwondho (saged ugi dipunwaos Taé Kwon Dho, Taékwon-Dho), inggih menika olahraga béla dhiri saking Korea ingkang ugi misuwur ing Indonésia.[1] Olahraga menika kalebet olahraga nasional Korea.[1] Olahraga menika kalebet seni béla dhiri ingkang paling kathah dipunminati ing donya lan ugi dipuntandhingaken ing Olimpiade.[1] Wonten ing basa Korea, Taé tegesipun nendhang nganggé sikil utawi samparan, lan Kwon ingkang tegesipun tinju, lan Dho ingkang tegesipun seni.[1] Dados, Taékwondho saged dipunmaknani seni samparan lan asta.[1] Popularitasipun taékwondho saged damel seni menika ngrembaka lan ngembang wonten ing pinten-pinten wujud.[1] Kados seni béla dhiri sanésipun, taékwondho menika gabungan saking téknik gelut, béla dhiri, olahraga, hiburan, lan filsafat.[1] Taékwondho ingkang samenika wonten, nggadhahi sejarah ingkang panjang kados sejarah negeri asalipun, Korea.[2] Sesebatan taékwondho nembé wonten awit taun 1954.[2] Taékwondho menika kalebet modhifikasi lan asil panyempurnaan saking béla dhiri tradhisional Korea.[2]
[sunting] Tigang Materi Latian Taékwondho
- Poomse utawi pinten-pinten jurus lan téknik dhasar nyerang lan pertahanan dhiri ingkang dipunlakasanakaken nglawan mungsuh sing imajinér utawi boten tenanan kanthi ngetuti dhiagram tartemtu.[3]
- Kyukpa utawi téknik ngremukaken wewujudan sing atos kados watu, kayu, genthèng lan sanésipun.[3]
- Kyoruki utawi latian gelut kanggé mraktekaken téknik gerakan dhasar utawi poomse. Wonten ing materi menika maragakaken téknik serangan lan pertahanan dhiri antawisipun tiyang kalih.[3]
[sunting] Pranala Njawi
[sunting] Cathetan suku
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
