Térong Walanda

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Térong Walanda
Status konsèrvasi
Klasifikasi èlmiah
krajan: Plantae
(unranked): Angiospermae
(unranked): Eudicots
(unranked): Asterids
ordo: Solanales
kulawarga: Solanaceae
Genus: Solanum
Species: S. betaceum
Jeneng binomial
Solanum betaceum
Cav.

Térong walanda yaiku jinis tanduran anggota keluwarga terong-terongan (Solanaceae).[1] Térong walanda wiwit ditandur ing Bogor Jawa Kulon wiwit taun 1941.[1] Ing Indonésia térong jinis iki digawa lan ditandur karo wong Walanda nalika iku, mulané diarani terong Walanda.[1] Térong walanda asalé saka dhaérah Amazon ing Amérika Latin.[1]

Morfologi[sunting | sunting sumber]

Térong walanda nduwèni ciri ambuné kaya lembu kutub, dawané gagang godhong nganti 7-10 cm.[2] Kembang térong walanda ana ing bagéyan antarané godhong karo gagang.[2] Kembangé nduwèni werna jambon lan ana uga kang biru enom, ambuné wangi lan dhiameteré kurang luwih 1 cm.[2]

Ciri liyane bisa dititèni saka bagéyan kembang kang cacahé lima, godhong mahkota kang bentuké genta, lan nduwèni benang sari kang cacahé lima, manggon ing ngarep mahkota kembang, kepala sari kang ndhelik, bakal woh kang nduwèni loro ruwangan, lan akèh bakal wijiné, lan kepala putik kang cilik.[2]

Woh térong walanda bentuké bunder kaya endhog, ukurané 3-10 cm x 3-5 cm, lan bagéyan pucuké rada lancip, nggandhul saka pangé amarga gagangé kang dawa, kelopaké ora rontok, kulit wohé alus lan lunyu, wernané rada abang, jingga nganti kuning, daging wohé akèh banyuné, rasané rada kecut.[2] Wiji térong walanda bentuké bunder gèpèng, tipis lan rada atos.[2] Woh térong walanda bisa dipangan nalika seger lan kanggo bumbu masak, janganan lan ombènan.[2]

Cathetan sikil[sunting | sunting sumber]

  1. ^ a b c d (id)medanku.com(diundhuh tanggal 22 Agustus 2011)
  2. ^ a b c d e f g (id)[Asmaria. 2008.’’Pemanfaatan Tepung Kulit Buah Terong Belanda Fermentasi ’’Aspergilus Niger’’ Terhadap Kinerja Reproduksi Burung Puyuh (Cutornix Japonica). USU Repository]
Sumber artikel punika saking kaca situs web: "http://jv.wikipedia.org/w/index.php?title=Térong_Walanda&oldid=832304"