Téori Behavioristik
Téyori Behavoristik yaiku téyori kang nganggep manawa kasil sinau (owah-owahan lelaku) iku ora disebabna déning kemampuan internal manungsa, insight, nanging amarga faktor stimulus kang nganakna respons.[1] Téyori iki dimotori déning B.F Skinner kanthi bukuné Verbal Behavior (1957).[2] Téyori iki, adhédhasar kaliyan téyori sinau stimulus-respons (S-R).[2] Téyori Behavioristik yaiku salah sawiji saka telu aliran psikologi pendhidhikan kang thukul lan ngrembaka kanthi cara runtut saka pèriode ning pèriode.[3]
Prinsip Téyori Behavioristik[besut | besut sumber]
- Téyori Belajar Behavioristik iki asipat èmpiris, didhasaraké nganggo dhata kang bisa diamati.[2]
- Kaum behavioris nganggep manawa :
- Prosès sinau manungsa padha karo prosès sinau kéwan.[2]
- Prosès sinau basa yaiku sabagian waé saka prosès sinau saklumrahé.[2]
- Manungsa ora duwé potensi gawan kanggo sinau basa.[2]
- Pikiran anak yaiku tabula rasa (kertas kosong) kang arep diisi nganggo asosiasi S-R.[2]
- Sinau kanggoné kaum behavior yaiku prosès pembentukan gayutan asosiatif antara stimulus lan respon kang bola-bali saéngga mbentuk pakulinan.[2]
- Pangkondhisian disartani ganjaran kanggo panguatan asosiasi antarané lelkon-lelakon liyané.[2]
- Anak nguwasani basa saka niru utawa manut.[2]
Tokoh-Tokoh Aliran Behavioristik[besut | besut sumber]
Skinner[besut | besut sumber]
Skinner nyebutna yèn manungsa kaya mesin.[4]. Tumindak manungsa iku teratur lan bisa diramalna responé karo stimulus kang teka saka njaba.[4] Skinner gawé rincian kang mbedakna loro macem respons, yaiku respondent response lan operant response.[4]
Ivan Parlov[besut | besut sumber]
Parlov nyinaoni kepriyé asu kang dadi bahan percobaané dadi terkondisi kanggo ngetokaké iler (liur)tanpa diwènèhi pakanan.[5]
Jhon B. Watson[besut | besut sumber]
Watson ngungkapké manawa sinau yaiku prosès kedadéan refleks utawa respons sing mawa syarat léwat stimulus kang nggantèkaké.[6]
Edwin Guthrie[besut | besut sumber]
Miturut Guthrie, respons bisa njalari stimuli kanggo respons sakterusé.[7] Lelaku manungsa yaiku dèrètan lelaku kang kaadheg saka unit-unit reaksi atawa respons saka stimulus sadurungé.[7]
Thorndike[besut | besut sumber]
Téyori Thorndike ing Amérikah Sarékat dikenal kanthi jeneng téyori sinau Connectionism amarga sinau yaiku prosès pambentukan koneksi antara stimulus lan respons.[8] Téyori iki, uga sinebut Trial and Error dalam rangka milih respons kang tepat kanggo stimulus tertentu.[8]
Bandura[besut | besut sumber]
Miturut Bandura, sinau iku ora punjul sakadar owah-owahan lelaku.[9] Sinau yaiku pencapaian kawruh utawa kawruh lan lelaku kang didhasari saka kwruhané mau.[9]
Clark C. Hull[besut | besut sumber]
Panemu Clark C. Hull arep padha karo penemu ahli-ahli ing dhuwur. Nanging, Hull ngungkapna ana 2 bab kang wigati ing jeroné prosès sinau yaiku anané motif utawa motivation lan drive stimulus reduction.[10]
Cathetan suku[besut | besut sumber]
- ↑ Rifa'i, Achmad. dan Catharina Tri Anni. 2009. Psikologi Pendidikan. UNNES Press : Semarang. Hal:106.
- ↑ a b c d e f g h i j Sapani, Suardi. dkk. 1998. Téyori Pembelajaran Basa. Departemen Pendidikan dan Kebudayaan : Jakarta. Hal : 13.
- ↑ Djalali. 2009. Psikologi Pendidikan. Jakarta : Bumi Aksara. Hal : 78
- ↑ a b c Rifa'i, Achmad. dan Catharina Tri Anni. 2009. Psikologi Pendidikan. UNNES Press : Semarang. Hal : 109
- ↑ Rifa'i, Achmad. dan Catharina Tri Anni. 2009. Psikologi Pendidikan. UNNES Press : Semarang. Hal : 107
- ↑ Djalali. 2009. Psikologi Pendidikan. Jakarta : Bumi Aksara. Hal : 86
- ↑ a b Rifa'i, Achmad. dan Catharina Tri Anni. 2009. Psikologi Pendidikan. Semarang : UNNES Press. hal : 118
- ↑ a b Djaali. 2006. Psikologi Pendidikan. Jakarta : Bumi Aksara. Hal : 92
- ↑ a b Djaali. 2006. Psikologi Pendidikan. Jakarta : Bumi Aksara. Hal : 93
- ↑ Djalali. 2009. Psikologi Pendidikan. Jakarta : Bumi Aksara. Hal : 91