Tèh ijo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Tèh ijo (Hanzi:绿茶 Hanzi tradisional: 綠茶 pinyin:Lǜ chá) iku jeneng tèh sing digawé saka godhong tanduran tèh (Camellia sinensis) sing dipetik lan ngalami prosès pemanasan kanggo nyegah oksidasi, utawa bisa uga ateges ombènan sing diasilaké saka nyedhuh godhong tèh kasebut.

Tèh ijo arupa ombènan populer ing dharatan Tiongkok, Taiwan, Hong Kong, Jepang, Wétan Tengah, Asia Kidul-wétan lan tansaya dikenal uga ing negara Kulon sing biyèné kagolong bangsa sing ngombé tèh ireng.

Gugus katekin sing akèh kakandhut jroning tèh ijo ing wangun molekul epigallocatechin-3-gallate (EGCG) bisa ngadhangi tumorigenesis ing tahap inisiasi, promosi lan progresi.[1][2]

Tèh ijo Jepang[sunting | sunting sumber]

Tèh ijo

Tèh ijo (ryokucha) iku tèh sing umum ing Jepang saéngga yèn disebut "tèh" (ocha) mula sing dimaksudaké akèh-akèhé arupa tèh ijo, lan nembé disebut minangka tèh Jepang (nihoncha) yèn pancèn sumadya pilihan tèh liyané. Tèh biasané didol kanthi rega sing gumantung marang kualitas lan pérangan saka tanduran sing digawé tèh.

Jinis-jinis tèh ijo sing umum:

Gyokuro
Tèh kapilih saka godhong tèh kelas dhuwur sing disebut Tencha. Tèh dijenengaké Gyokuro amarga werna ijo pucet sing metu saka godhong tèh. Godhong dilindhungi saka cahya srengéngé saéngga aromané wangi banget.
Matcha
Tèh ijo mawa kualitas dhuwur sing digiling dadi bubuk tèh lan dianggo upacara ngombé tèh. Matcha nduwèni aroma sing wangi saéngga dipigunakaké minangka perasa tumrap ès krim rasa tèh ijo, manéka jinis jajanan tradhisional Jepang (wagashi), manéka permèn lan coklat.
Sencha

Tèh ijo sing biasa diombé sadina-dina, digawé saka godhong sing diumbaraké kena cahya srengéngé.

Genmaicha
Tèh jinis bancha kanthi campuran wulir beras sing durung disosoh (genmai) sing digawé dadi brondong. Tèh iki nduwèni aroma wangi wulir beras sing setengah gosong.
Kabusecha
Tèh jinis sencha sing godhongé dilindhungi sawetara wektu saka cahya srengéngé sadurungé dipanèn. Aroma tèh kabusecha luwih lembut sethithik tinimbang tèh sencha.
Bancha
Tèh kasar sing digawé saka panènan sing kapindho antara mangsa panas lan mangsa gugur. Godhong tèh kanggo tèh bancha biasané luwih gedhé tinimbang godhong tèh sencha lan aromané ora patiwangi.
Hōjicha
Tèh sing digongsèng ing sadhuwuring wajan utawa ing oven.
Kukicha
Tèh mawa kualitas asor saka godhong tèh campur gagangé.

Rujukan[sunting | sunting sumber]

  1. ^ (en)"The antioxidant and pro-oxidant activities of green tea polyphenols: A role in cancer prevention". Department of Food Science, The Pennsylvania State University; Lambert JD, Elias RJ.. http://www.ncbi.nlm.nih.gov/pubmed/20558130. Retrieved 2010-07-09.
  2. ^ (en)"Tea catechins and polyphenols: health effects, metabolism, and antioxidant functions". Linus Pauling Institute, Oregon State University; Higdon JV, Frei B. http://www.ncbi.nlm.nih.gov/pubmed/12587987. Retrieved 2010-07-09.
Sumber artikel punika saking kaca situs web: "http://jv.wikipedia.org/w/index.php?title=Tèh_ijo&oldid=833537"