Swike

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Swike
Swikee Kodok Oh.jpg
Swikee Kodok Oh, pupu kodok ing duduh tauco
Informasi
Jeneng liya Swikee
Asal Indonesia
Dhaérah Purwodadi, Jawa Tengah
Pangripta Tionghoa Indonesia
Penyajian lan bahan
Tahapan Dhaharan utama
Disajèkaké Panas
Bahan Pupu kodok

Swike utawi Swikee inggih menika Masakan Tionghoa Indonesia ingkang dipundamel saking pupu kodok. Dhaharan menika saged dipunpanggihaken wonten ing wujud sup, dipungoreng garing, utawi dipunoseng. Aslinipun dhaharan menika asalipun saking masakan Tionghoa ingkang mlebet dhateng Indonesia. Istilah "swikee" asalipun saking dialèk Hokkian (, ((zh)

) sui (toya) lan ke (ayam) ingkang kalebet slang utawi pengalusan kanggé nyebat kodok minangka "ayam toya". Padatanipun dhaharan menika dipungayutaken kalihan kutha Purwodadi, Jawa Tengah.[1] Bahan utama dhaharan menika sikil kodok (padatanipun saking "kodok ijo" utawi "kodok ijo" (Jw.) kanthi bumbu bawang, jae, tauco, sarem lan lada. Dipunsajèkaken kalihan bawang ingkang dipungorèng lan godhong slèdri ing dhuwuripun, swike ugi dipunsajèkaken kalihan sekul.

Wonten ingkang gadhah pamanggih bilih rasa lan tèkstur swike menika gabungan antawisipun ayam lan ulam. Padatanipun namung bagéyan pupu kodok ingkang dipundadosaken swike, ananging bagéyan kulitipun saged dipundamel garing lajeng dipungorèng dados kripik kulit kodok. Cara anggenipun ngolah swike sanèsipun menika "pepes kodok", daging kodok tanpa balung dipunmasak wonten ing wungkusan godhong gedhang minangka pèpès.

Kejawi wonten ing Purwodadi, swike ugi saged dipunpanggihaken ing sapérangan kutha ing Indonesia, kados Jakarta, Bandung (salah satunggaling gerai restoran kondhang menika "Swikee Jatiwangi"), Yogyakarta, Semarang lan Surabaya. Padatanipun restoran-restoran swike ing Indonesia nyebat piyambakipun minangka restoran "Swike Purwodadi" utawi "Swike Jatiwangi". Indonesia menika pengèkspor sikil kodok paling ageng ing donya, kanthi ngèkspor langkung saking gangsal ewu ton daging pupu kodok saben taunipun, kathahipun panyuwun saking Perancis, Belgia lan Luksemburg. [2] Kala rumiyin caranipun pikantuk kodok menika kanthi mburu ing alam kados nyekel wonten ing sawah. Kodok gampil dipunpanggihaken mliginipun nalika mangsa rendheng. Samenika sapérangan usaha ternak kodok kagem dipunekspor kanggé nuruti panyuwunipun pasar luar negeri mliginipun Perancis.

Variasi[sunting | sunting sumber]

Pèpès tigan kodok lan pèpès kodok

Swike saged dipunmasak lan dipunsajèkaken kanthi manéka cara. Saed dipungodhog kangge maneka dhaharan mawi duduh, dipunoseng, utawi dipungorèng miturut saos lan bumbu piyambak-piyambak.

  • Swike oh utawi Kodok oh, pupu kodok dipunmasak wonten ing duduh tauco kanthi bumbu bawang.
  • Swike goreng mentega, pupu kodok dipungorèng ing mentega utawi margarin.
  • Swike kecap, pupu kodok dipuntumis mawi kecap ingkang legi.
  • Swike saus tomat, pupu kodok dipuntumis kalihan saos tomat.
  • Swike asam manis, pupu kodok dipuntumis kalihan saos asam manis.
  • Swike goreng tepung, pupu kodok dipunparingi adonan glepung lajeng dipungorèng.
  • Swike goreng mayones, pupu kodok dipungoreng mawi glepung lan dipunsajèkaken kalihan mayones
  • Pepes swike, daging kodok tanpa balung dipunbumboni lajeng dipunolah ing wungkusan godhong gedhang minangka pepes. Variasi sanèsipun menika pèpès tigan kodok, tigan kodok ingkang dipunmasak pèpès.

Cathetan suku[sunting | sunting sumber]

\

Sumber artikel punika saking kaca situs web: "http://jv.wikipedia.org/w/index.php?title=Swike&oldid=862173"