Susan Bachtiar

Saka Wikipédia Jawa, bauwarna mardika basa Jawa
Susan Bachtiar
LairSusan Meilani Bachtiar
Pakaryanaktris, modhèl, présènter
Taun aktif1997–saiki
BojoSunardi Supangat (2000–2010)

Susan Meilani Bachtiar (lair ing Jakarta, 2 Mèi 1973; umur 50 taun) ya iku salah sijiné présènter lan modhèl kang asalé saka Indonésia.[1] Kajaba iku Susan Bachtiar uga dadi guru basa Inggris, bintang iklan lan bintang filem layar amba utawa biyoskup.[1]

Kariré diwiwiti nalika dhèwèké mèlu pamilihan cover girl kang dianakaké kalawarti Mode.[1] Ing lomba iki Susan Bachtiar éntuk juwara I.[1] Wiwit iku Susan Bachtiar banjur dadi kover kalawarti.[1] Saliyané fotoné dipasang ing samak kalawarti, Susan uga mandhu adicara kuis kang disiyaraké ing tivi ya iku kuis Galileo kang disiyaraké ing SCTV.[1] Susan uga dadi présènter adicara-adicara rohani.[1]

Susan Bachtiar duwé awak kang dhuwuré 170 cm.[1] Susan palakrama karo Sunardi Supangat nalika tanggal 11 November taun 2000.[1] Susan Bachtiar ngugemi agama Katulik.[1] Dhèwèké duwé kasenengan utawa hobi nonton, maca lan travelling.[1] Susan Bachtiar duwé gelar sarjana pendhidhikan.[1] Dhèwèké lulusan saka jurusan basa Inggris ing Unika Atmajaya Jakarta.[1] Saiki Susan Bachtiar mulang basa Inggris ing TK St. Theresia.[1]

Susan uga main filem. Film kang sepisanan judhulé Perempuan Punya Cerita.[1] Film iki ditayangaké ing biyoskup-biyoskup Indonésia nalika tanggal 17 Januari 2008.[1] Nanging sadurungé diputer ing biyoskup-biyoskup, filem iki diputer ing panutupan JiFFest (Jakarta International Film Festival) kang dianakaké nalika tanggal 16 Dhésèmber ing Djakarta Theater XXI.[1]

Nalika tanggal 30 November 2010, Susan pegatan karo bojoné ya iku Sunardi.[2]

Cathetan sikil[besut | besut sumber]

  1. a b c d e f g h i j k l m n o p q selebriti.kapanlagi.com(diundhuh tanggal 9 Juli 2011)
  2. Susan Bachtiar Resmi Jadi Janda(diundhuh tanggal 9 Juli 2011)