Sura

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Sura utawa Muharam kuwi sasi pisanan ing Kalèndher Jawa. Tumraping wong Jawa, sasi iki dianggep wigati banget amarga dadi sasi kang pisanan. Ing sasi Sura iki sawetara masarakat Jawa isih mèngeti kanthi manembah marang Gusti kang gawé urip.^[1]. Utamané ing dina wiwitan yakuwi Siji Sura, sawetara masarakat ana kang ngayahi panyucèn dhiri kanthi adus ing kali, sendhang, segara, utawa ing ngomah lan sawengi muput ora turu. Déné klompok masarakat liyané ana kang nanggap lan nonton wayang kulit lan ana uga kang ziarah menyang panggonan suci lan nglakoni tapabrata utawa mèdhitasi. Tanggal siji Sura uga wektu kang becik kanggo ngresiki pusaka, kaya keris, tumbak lsp.^[2]. Ing kapercayan Jawa isih akèh kang percaya ora gelem nganakaké pahargyan wigati kayadéné mantu (palakrama) ing sasi Sura.

Bab lan Paragraf 1 Umur sasi 2 Delengen uga 3 Referensi 4 Pranala njaba

[sunting] Umur sasi

Umur utawa cacahing dina ing kalèndher Jawa kuwi saben taun ora ajeg. Nanging kanggo sasi Sura cacahing dina ana ing taun 1 /kapisan (Alip), 2 /kapindho (Éhé), 3 /katelu (Jimawal), 4 /kapapat (Jé), 5 /kalima (Dal), 6 /kaenem (Bê), 7 /kapitu (Wawu) utawa 8 /kawolu (Jimakir) tetep padha, yakuwi 30 dina. Kanggo luwih cethané, umur utawa cacahing dina ing sasi kalèndher Jawa bisa mirsani tabel ing ngisor iki:

Tabel umur utawa cacahing dina ing Taun Jawa (Kalèndher Sultan Agung
Jeneng wulan Jawa		Jeneng wulan Islam		Taun Jawa 1,3,6,7		Taun Jawa 2.4.8		Taun Jawa 5
Sura		Muharram		30		30		30
Sapar		Safar		29		29		30
Mulud		Rabiul awal		30		30		29
Bakdamulud		Rabiul akhir		29		29		29
Jumadilawal		Jumadil awal		30		30		29
Jumadilakhir		Jumadil akhir		29		29		29
Rejeb		Rajab		30		30		30
Ruwah		Sya'ban		29		29		29
Pasa		Ramadhan		30		30		30
Sawal		Syawal		29		29		29
Sela		Dzulkaidah		30		30		30
Besar		Dzulhijjah		29		30		30

[sunting] Delengen uga

• Kalèndher Jawa
• Primbon

[sunting] Referensi

1. ↑ Joglosemar:Javanese Calendar and its Significance to Mystical Life
2. ↑ Ritual pèngetan Siji Sura ing sawetara panggonan

[sunting] Pranala njaba

• Joglosemar:Javanese Calendar and its Significance to Mystical Life

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sasi jroning kalèndher Jawa
Sura – Sapar – Mulud – Bakdamulud – Jumadilawal – Jumadilakir – Rejeb – Ruwah – Pasa – Sawal – Sela – Besar