Sumur

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sumur

Sumur utawa perigi yaiku sumber banyu kang ditampung ing sawijining dhudhukan lemah lan bisa dimumpangatake kanggo kaperluan sadina-dina..[1] Saliyané sumur kang ngasilaké banyu, ana uga sumur kang ngasilaké lenga utawa gas.[1] Sumur tradhisional utawa sumur gowak arupa bolongan rada gedhé kang dikupengi tembok ing pinggiré. [1]Banyu kang ana ing sumur banjur ditimba nganggo èmbér kang diwénéhi tali. [1]Èmbér kang diwénéhi tali iki mau diarani timba.[1]Sumur ing kutha-kutha gedhé ing Indonésia ukurané cilik, gedhéné kurang luwih sak pipa pralon.[1] Banyu kang ana ing jero sumur banjur disedhot supaya munggah nganggo kompa.[1] Kompa iki diarani kompa banyu.[1]

Sumur bor[sunting | sunting sumber]

Sumur bor ora kena cedhak karo Septic tank, awit baktéri e-coli ing banyu disebabaké septic tank.[2] Sumur bor kuduné digawé kanthi jarak paling sithik 5 meter saka septic tank.[2] Jeroné sumur kang 15 meter luwih apik awit ora gampang kena pencemaran baktéri, khususé ing kutha-kutha gedhé.[2] Sumur bor apadéné sumur dhudhug kena diwénéhi tawas yen banyuné buthek.[2] Tawas yaiku zat kang bisa nggawé bening banyu sumur.[2]Salah sijiné teknik kanggo nemtokaké titik pengeboran kang lokasiné nduwéni cekung banyu utawa sumber banyu kang akéh yaiku kanthi metode Geolistrik.[2] Metoda iki merlokaké lahan kanggo survei kanggo nemokaké sumber banyu ing njero lemah.[2]Kanthi teknik resistivity bakal bisa nemtokaké tahanan kang dipaské karo kontur lemah utawa jinis watu kang dadi sumber banyu.[2] Kanthi cara iki banjur bisa nemtokake sepira jerone kanggo nemokaké banyu kang akéh lan nduwéni kualitas apik.[2]Kagiyatan survei geolistrik iki bisa mikoléhi informasi kahanan lemah kamg jeroné nganti 150 meter.[2]

Cathetan suku[sunting | sunting sumber]

  1. ^ a b c d e f g h (id)sumurbor.com(dipunundhuh tanggal 7 Juni 2011)
  2. ^ a b c d e f g h i j (id)airminumisiulang.com(dipunundhuh tanggal 7 Juni 2011)
Sumber artikel punika saking kaca situs web: "http://jv.wikipedia.org/w/index.php?title=Sumur&oldid=830281"