Suku Yamato

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Yamato
Japanese People.jpg
Gunggung populasi

120,000,000+

Kawasan kanthi gunggung pedunung sing signifikan
Basa
Jepang
Agama
Buddha, Shinto

Suku Yamato (大和民族 Yamato-minzoku utawi 天孫民族 Tenson-minzoku?) inggih menika suku bangsa (kelompok ètnis) asli ingkang dominan mapan wonten ing negara Jepang.

Suku Yamato menika istilah ingkang wiwit dipunginakaken saking pungkasan abad kaping 19. Kanthi ancas kanggé mbédakaken antawisipun penduduk ing dharatan Jepang saking kelompok-kelompok ètnis minoritas sanèsipun ingkang sampun mapan wonten ing wewengkon periferal Jepang. Kelompok-kelompok ètnis kasebut kadosta suku-suku Ainu, suku Ryukyu, suku Nivkh, suku Ulta, sarta ugi tiyang saking Korea, tiyang Taiwan, lan tiyang aborigin Taiwan ingkang sampun mlebet dados warga Kekaisaran Jepang ing wiwitan abad kaping 20. Nama "Yamato" menika asalipun saking Tahta Yamato ingkang sampun wonten ing Jepang nalika abad kaping 4. Sejatosipun Yamato menika nama dhaérah asal wonten pundi tiyang-tiyang Yamato ingkang kapisan mapan lan netep wonten ing Prefektur Nara [1].

Wonten ing abad kaping 6, suku Yamato minangka salah satunggal saking kathah suku saking manéka asal usul ingkang naté mengkolonisasi Jepang wonten ing zaman prasejarah wiwit damel negara kanthi model kathah negara ing Cina ingkang saking dinasti Sui lan dinasti Tang inggih menika pusat pengaruh politik wonten ing Asia ing kala menika. Nalika pengaruh Yamato kasebut sansaya wiyar, basanipun kasebut lajeng nggantos Basa Jepang kuno lan dados basa umum ingkang dipunginakaken kanthi wiyar. Déné Basa Ryukyu saking Kepuloan Ryukyu menika sampun kapisah saking Basa Jepang Kuno ing antawisipun abad kaping 3 lan abad kaping 5.

Wonten sapérangan kontroversi babagan menapa badhé mlebetaken suku Ryukyu minangka bagéyan saking Yamato. Lajeng nglampahi indetifikasi suku Ryukyu minangka satunggaling kelompok ètnis ingkang independen utawi Suku Ryukyu minangka sub-grup ingkang sareng kalihan Yamato menika kalebet ètnisitas Jepang amargi kathah ingkang sami ingkang celak ing babagan genetika lan basa (linguistik). Shinobu Origuchi (折口信夫 Origuchi Shinobu?) gadhah pamanggih bilih suku Ryukyu menika "proto-Jepang" (原日本人 gen nippon jin?), déné Yanagita Kunio damel prakiraan bilih Suku Ryukyu menika sub-grup ingkang mapan lan netep wonten ing Kepuloan Ryukyu. Lajeng babagan gelombang migrasi ingkang utama éwah dhateng ler kanggé mapan lan netep wonten ing kepuloan Jepang lajeng dados suku Yamato.

Konsep «keturunan murni» minangka satunggaling kriteria kanggé keunikan Yamato minzoku wiwit dipunrembag kirang langkung ing taun 1880 wonten ing Jepang. Inggih menika kirang langkung nalika sapérangan ilmuwan Jepang wiwit ngawontenaken panalitèen lanpenyelidikan eugenika ing Jepang (yuuseigaku).[2]

Pirsani ugi[sunting | sunting sumber]

Cathetan suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Suku_Yamato&oldid=867037"