Suèz

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tlatah paling lor Teluk Suèz kanthi kutha Suèz ing peta taun 1856.
Mesir: Lokasi Suèz (dhuwur tengen).
Plabuhan Port Tawfik ing Suèz
Kapal Carducci 82 munggah dok ing Plabuhan Suèz, Maret 2006

Suèz (Basa Arab: السويسas-Suways) kuwi kutha plabuhan (populasi 497,000) ing sisih lor wètan Mesir, dumunung ing pesisir lor Teluk Suèz, cedhak titik paling kidul saka Terusan Suèz. Kutha iki duwé loro plabuhan, Port Ibrahim lan Port Tawfiq, lan fasilitas plabuhan kang manéka warna. Ril sepur lan dalan gedhé nyambungaké kutha iki karo kutha Kairo lan Port Said. Suèz duwé pabrik petrokimia, lan refinery lenga kang kasilé dikirim liwat pipa menyang Kairo. Saka Suèz ana rèl sepur kanggo para jamaah Kaji tumuju menyang kutha Mekkah.

Sajarah[sunting | sunting sumber]

Ing abad kaping 7 sawijining kutha kang dumunung ing cedhak papané kutha Suèz saiki, dadi terminal sisih wètan saka kanal kang ngubungaké Kali Nil lan Segara Abang. Ing abad kaping 16 Suèz arupa pos Angkatan Laut Turki.

Kutha iki dadi wigati nalika Terusan Suès dibuka ing taun 1869. Kutha iki ajur déning paprangan ing pungkasan taun 1960 lan wiwitan taun 1970 antara Mesir lan Israel kang nguwasani Semenanjung Sinai. Kutha iki ditinggal para pedunungé nalika kadadéyan Krisis Suèz ing taun 1956. Rekonstruksi Suèz diwiwiti sawisé Mesir mbuka manèh Terusan Suèz sarampungé perang karo Israel sasi Oktober 1973.

Terusan Suèz[sunting | sunting sumber]

Artikel utama: Terusan Suèz

Wis tau ana terusan saka Delta Kali Nil menyang Teluk Suèz ing jaman kuna, lan wis ora dipigunakaké manèh. Terusan kang ana dina iki diwangun ing abad kaping 19.

Terusan Suèz ndadèkaké lelaku liwat segara saka Segara Tengah menyang Segara Abang luwih cedhak tinimbang liwat Tanjung Harapan kang kudu ngubengi bawana Afrika. Saliyané kuwi pembangunan Terusan Suèz diuntungaké amarga anané kahanan alam arupa dhèrètan tlaga yakuwi Tlaga Manzala ing sisih lor, Tlaga Timsah lan Tlaga Pait, kang dumunung ana ing rute terusan, uga kahanan lemah kang warata. Pembangunan terusan iki diusulaké déning insinyur diplomat Prancis, Ferdinand de Lesseps, kang olèh idin saka Said Pasha kanggo nggawé lan ngoprasèkaké terusan jroning mangsa 99 taun. Prusahaan Terusan Suèz (Compagnie Universelle du Canal Maritime de Suez) banjur diwangun. Konstruksi merlokaké wektu 11 taun, lan terusan iki dibuka ing 17 November 1869. Terusan iki nduwèni pangaruh kang luar biasa lan lamgsung tumrap perdagangan donya.

Ing taun 1956, Presidhèn Mesir Gamal Abdel Nasser ngumumaké nasionalisasi Terusan Suèz, kang banjur nuwuhaké Krisis Suèz. Jroning perang Arab-Israel taun 1967, terusan ditutup, lan dibuka manèh ing taun 1975.

Saiki, Terusan iki minangka panghubung kang wigati ing perdagangan donya lan mènèhi sumbangan kang wigati tumrap ekonomi Mesir.

Galeri[sunting | sunting sumber]

Delengen uga[sunting | sunting sumber]

Pranala njaba[sunting | sunting sumber]

Logo Wikimedia Commons
Pirsani galeri bab Suèz ing Wikimedia Commons.

Koordinat: 29°58′N, 32°33′E

Sumber artikel punika saking kaca situs web: "http://jv.wikipedia.org/w/index.php?title=Suèz&oldid=814144"