Steven Tyler

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Steven Tyler
Jeneng Steven Victor Tallarico
Alias Demon of Screamin'
Asal Yonkers, New York, Amerika Serikat.
Instrumèn Vokal, Gitar, Piano, Harmonika, Drum, Violin, Bass, Flute, Saxophone
Taun aktif 1964 - saiki
Magepokan karo Aerosmith, Chain Reaction

Steven Tyler yaiku vokalis saka band légendharis Aerosmith. Tyler lair tanggal 26 Maret 1948. Piyambake lair lan gédhe ing kutha Yonkers, New York, nagara Amerika Serikat [1]. Tyler iku putrané ibu Susan nèè Blanca lan bapak Victor Tallarico. Tyler ngangsu kawruh ing Roosevelt High School [2]. Sawisé lulus, Tyler miwiti sekolah ing Leonard Quintano Young Professionals School [3]. Jeneng jejulukané Tyler yaiku Demon of Screaming, amarga swara saka Tyler iku dhuwur lan amba dengungé. Nalika isih enom, Tyler pecandhu narkoba lan seneng mendem alkohol [4]. Roling Stone Magazine uga mènèhi panghargyaan marang Tyler arupa 100 Vokalis kang Becik [5]. Déné bapaké Tyler turunan Jerman lan Italia, lan ibune turunan Polandia, nanging Tyler lair lan miwiti urip ing Amerika Serikat.

Steven Tyler nalika ing Grammy Award

Miwiti Aerosmith[sunting | sunting sumber]

Nalika taun 1969, Tyler gawé lagu Dream On (saiki ana ing album kapisané [[Aerosmith). Dhéwéké banjur diajak gawé band kanthi jeneng Jam Band, lan gawéné dibantu déning Joe Perry (gitar) lan Tom Hamilton (Bass) (sekabèhé iku anggota Aerosmith. Nalika dhéwéké miwiti manggung kaping pisan, Tyler lan Joe Perry ngajak kancané saka New York kanggo ngisi drum, yaiku Joey Kramer. Banjur Tyler dadi vokal, déné sadurungé dadi drummer. Tyler uga ngajak Ray Tabano, nanging dhéwéké metu nalika taun 1971, lan diganti Brad Whitford. Band iki uga duwéni jeneng Aerosmith, nalika kontrak omah bareng ing Boston. Steven Tyler gawé lagu-lagu kang ngehits saka Aerosmith ing kontrakan Boston. Tyler uga miwiti dadi modèl ing Rolling Stone Magazine. Dhéwéké dadi among lan dadi lanang metropolis kang cèdhak karo alkohol lan narkoba. Kanca-kanca ing band Aerosmith uga dadi alkoholis. Aerosmith bebarengan karo Tyler uga miwiti tur ing nagara Jepang. Ing Jepang ngetokaké lagu Kings and Queens lan Draw the Line, banjur dadi lagu kang pungkasan saka band iki. Nalika 1978, Tyler duwéni ide menawa gawé album live nalika manggung ing Texas, yaiku album Live! Bootleg lan Live Texxas Jam '78.

Steven Tyler nalika karo Aerosmith

Cathetan Suku[sunting | sunting sumber]

  1. ^ "Steven Tyler", Time, 28 Februari 2013. 
  2. ^ [1]
  3. ^ [2]
  4. ^ Kate the Stanhope. "Steven Tyler mlebet rehabilitasi", TVGuide.com. 
  5. ^ "100 Penyanyi Becik Saumur-umur". Rolling Stone. http://www.rollingstone.com/music/lists/100-greatest-singers-of-all-time-19691231. Retrieved 28 Februari 2013.

Pranala Njaba[sunting | sunting sumber]

Pranala Njaba Buku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Steven_Tyler&oldid=864917"